ماڵپه‌ڕى حه‌ده‌س ئاشكراى كردووه به‌مدواییه شاندێكى ئه‌مه‌ریكا سه‌ردانى عێراقى كردووه و هۆشداريى داوه له‌و ده‌زگا حكوومیانه‌ى كه له‌لایه‌ن میلیشیاكانه‌وه به‌ڕێوه‌ده‌برێن.
ئه‌مڕۆ هه‌ینى 28ى تشرینى دووه‌م، ماڵپه‌ڕى كه‌ناڵى حه‌ده‌س له چه‌ند سه‌رچاوه‌یه‌كى تایبه‌ته‌وه ئاشكراى كردووه، به‌مدواییه شاندێكى ئه‌مه‌ریكى سه‌ردانى عێراقى كردووه و هۆشداریى داوه له مامه‌ڵه‌كردن له‌گه‌ڵ ئه‌و لایه‌نه حكوومیانه‌ى كه له‌لایه‌ن میلیشیاكانى شیعه‌وه به‌ڕێوه‌ده‌برێن.
شانده‌كه دووپاتیشى كردووه‌ته‌وه، ره‌تى ده‌كاته‌وه میلیشیاكان به‌شدارى له حكوومه‌تى نوێى عێراق بكه‌ن.
له‌سه‌ر هه‌مان بابه‌ت رۆژنامه‌ى عوكازى سعوودی بڵاوى كردووه‌ته‌وه، چوارچێوه‌ى هاوئاهه‌نگى شیعه له‌نێوان دوو بژارده‌دایه یان حكوومه‌ت پێك ده‌هێنێت كه وابه‌سته‌ى ده‌ره‌وه نه‌بێت "ئێران" یانیش ده‌بێت خۆى بۆ سزاكانى ئه‌مه‌ریكا ئاماده بكات.