وه‌زاره‌تى ناوخۆى ئه‌مه‌ریكا روونى كردووه‌ته‌وه، ئه‌و وڵاتانه‌ى كه دۆناڵد تره‌مپ سه‌رۆكى ئه‌مه‌ریكا بڕیارى داوه هیچ په‌نابه‌رێكیان وه‌رنه‌گیرێت و به "جیهانى سێیه‌م"ناوى بردوون، 19 وڵاتن و ناوه‌كانیشیان ئاشكرا ده‌كرێت.
ئه‌مڕۆ هه‌ینى 28ى تشرینى دووه‌م ئاژانسى
رۆیته‌رز ئاشكراى كردووه، وه‌زاره‌تى ناوخۆى ئه‌مه‌ریكا روونكردنه‌وه‌ى پێداوه له‌سه‌ر ئه‌و وڵاتانه‌ى كه دۆناڵد تره‌مپ قه‌ده‌غه‌ى كردووه په‌نابه‌ریان وه‌ربگیرێت و به "جیهانى سێیه‌م" ناوى بردوون.
له روونكردنه‌وه‌ى وه‌زاره‌تى ناوخۆى ئه‌مه‌ریكا هاتووه ژماره‌یان 19 وڵاتن كه ئه‌مانه‌ن: لیبیا، سوودان، یه‌مه‌ن، سۆماڵ، ئێران، ئه‌فغانستان، بۆرما، بوروندى، چاد، كوبا، كۆمارى كۆنگۆ، گینیا، ئه‌ریتیریا، هایتى، لاوس، سیرالیۆن، تۆگو، توركمانستان، ڤه‌نزویلا.