به‌گوێره‌ى نووسراوێك كه له ماڵپه‌ڕه عێراقییه‌كان بڵاوكراوه‌ته‌وه، دیوانى وه‌قفى شیعه لێكۆڵینه‌وه له‌سه‌ر ئه‌و مه‌زارگانه ده‌كات كه گومانیان لێ ده‌كرێت راسته‌قینه بن و به ناوى پیرۆزیى خه‌ڵكیان پێ فریو ده‌درێت.
ئه‌مڕۆ هه‌ینى 28ى تشرینى دووه‌م، به‌ڵگه‌یه‌ك له ماڵپه‌ڕه عێراقییه‌كان بڵاوكراوه‌ته‌وه و تێیدا ده‌رده‌كه‌وێت دیوانى وه‌قفى شیعه نووسراوێكى ئاراسته‌ى په‌رله‌مانتارێك كردووه، سه‌باره‌ت به‌و مه‌زارگانه‌ى به "وه‌همى" ناو ده‌برێن، ئاشكراى كردووه لیژنه‌یه‌ك لێكۆڵینه‌وه له‌سه‌ر ئه‌و مه‌زارگانه ده‌كات كه خه‌ڵك روویان تێده‌كه‌ن.
له دواى 2003 وه ساڵ له دواى ساڵ مه‌زارگه‌كان به‌ناوى كه‌سانى ناسراوى مێژووى شیعه زیاد ده‌كرێن و خه‌ڵك بۆ راز و نیاز روویان تێده‌كه‌ن، به‌ڵام گومان له راستى ئه‌و مه‌زارانه ده‌كرێت و ده‌گوترێت بۆ فێڵكردن له خه‌ڵك و وه‌رگرتنى پاره لێیان به‌كار ده‌هێنرێت.
توێژه‌ران دووپاتى ده‌كاته‌وه به‌شێكى زۆر له‌و مه‌زارانه له لایه‌ن وه‌قفه ئاینییه‌كانى عێراق تۆمارنه‌كراون، ئه‌مه‌یش وا ده‌كات زیاتر گومانیان لێ بكرێت.