دوای تەواوبوونی دەنگدان، شەوی رابردوو تا ئاستێك ئەنجامەكان گەیشتە دەست لایەنەكان و تا بەرەبەیانی ئەمڕۆ رێژەكان گۆڕانكاریی بەسەردا هاتووە.
ئەمڕۆ چوارشەم 12ـی تشرینی دووەم، بە پێی ئەو ئەنجامە بەراییەی دەنگدانی گشتی و تایبەتی هەڵبژاردنی پەرلەمانی عێراق، پارتی دیموكراتی كوردستان ملیۆنێك و 79 هەزار و هەشت دەنگی بە دەست هێناوە.
ئەنجامی حزبەكانی تریش یەكێتیی نیشتمانیی كوردستان 536 هەزار و 159 دەنگی بە دەست هێناوە، یەكگرتوو ئیسلامی 166 هەزار و 474 دەنگی بە دەست هێناوە.
هەڵوێست 156 هەزار و 404 دەنگ، نەوەی نوێ 137 هەزار و 801 دەنگ و بەرەی گەل 20 هەزار و 856 دەنگیان بە دەست هێناوە.
پارتی دیموكراتی كوردستان بۆ یەكەمجار لە مێژووی عێراق و كوردستان، ژمارەی دەنگەكانی گەیشت سەرووی یەك ملیۆن، ئەوەیش گەورەترین ئەنجامە لە مێژووی هەڵبژاردنەكان حزبێك سەرووی ملیۆنێك دەنگ بەدەست بهێنێت.