نێچیرڤان بارزانی سەرۆكی هەرێمی كوردستان، پێشوازیی لە دەستەی سەرۆكایەتیی ئەنجوومەنی نیشتمانیی كورد لە سووریا (ENKS) بە سەرۆكایەتیی محەمەد ئیسماعیل، سەرۆكی ئەنجوومەن كرد.
لە كۆبوونەوەیەكدا دەستەی سەرۆكایەتیی (ENKS)دوایین پێشهاتەكانی سووریا و دۆخی كورد و پێكهاتەكانی تریان لەو وڵاتە خستە ڕوو و باس لە ڕۆڵی ئەنجوومەنەكە لە پرۆسەی سیاسی و دانوستانەكاندا كرا.
نێچیرڤان بارزانی دووپاتی لە پێویستیی یەكڕیزی و لێكگەیشتنی لایەنە كوردییەكان كردەوە و دووپاتی كردەوە كە هەرێمی كوردستان وەك هەمیشە پشتیوان و یارمەتیدەری پرۆسەی دانوستانەكان دەبێت، هەروەها پێكەوەژیان و پاراستنی مافی هەموو پێكهاتەكانی بە بنەمای سەقامگیری و پێشكەوتنی وڵاتەكە لەقەڵەمدا.
لای خۆیانەوە دەستەی سەرۆكایەتیی (ENKS)، سوپاس و پێزانینی خۆیان بۆ ڕۆڵی بەردەوامی نێچیرڤان بارزانی لە چارەسەركردنی پرسی كورد لە سووریا و پشتگیریی بەردەوامی هەرێمی كوردستان دەربڕی.