بارەگای بارزانی راگەیەنراوێكی لەبارەی هێرشەكەی كێڵگەی كۆرمۆر بڵاوكردەوە رای دەگەیەنن، زۆر بە توندی ئیدانەی ئەو هێرشە تیرۆریستییە دەكەین.
لە بارەگای بارزانییەوە
بەناوی خودای بەخشندە و میهرەبان
زۆر بە توندی ئیدانەی ئەو هێرشە تیرۆریستییە دەكەین كە شەوی ڕابردوو كرایە سەر كێڵگەی كۆرمۆر. ئەم هێرشە دژی ژێرخانی ئابووری و بەرژەوەندییەكانی هەرێمی كوردستان و عێراق و هەموو هاووڵاتیانە.
سەرباری ئەوەی كە پێشتریش ئەو جۆرە هێرشە ناڕەوایانەی سەر هەرێم زۆرجار ئیدانە كراون بەڵام تەنیا ئیدانە بووە و لەبەرانبەر ئەنجامدەراندا هیچ ئیجرائاتێك نەكراوە و ئەو هێرشانە دووبارە بوونەتەوە.
كاتی ئەوە هاتووە كە لەبەرانبەر ئەم دەستدرێژی و هێرشە ناڕەوایانەدا هەنگاوی جددی و عەمەلی بگیرێتەبەر و كۆتایی پێ بهێندرێت و ئەنجامدەرانیان سزا بدرێن.
بارەگای بارزانی
27ی تشرینی دووەمی 2025