د. حوسێن ڕابی مامۆستای زانكۆ و پسپۆڕی بواری فیزیا، دوای ئەوەی لەلایەن هێزێكی تەناهیی سلێمانییەوە گیراو ماوەی 24 سەعات بێ سەروشوێن بوو، شەوی رابردوو ئازاد كرا.
حوسێن رابی كە چەندان كتێبی لەبواری فیزا و كوانتۆم هەیە و كەسێكی چالاكی بواری فیزایە و جارجاریش وەك نووسەر و توێژەر لەبارەی پرسەكانی ناوخۆی كوردستانەوە قسە دەكات و بەردەوام دژی بەرەی مقاوەمەی ئێرانییە، لەهەفتەی پێشوودا لەلایەن هێزەكانی تەناهیی سلێمانییەوە گیراو و دوای هەوڵێكی زۆر و فشارێكی مەدەنی ئاسایشی سلێمانی رایانگەیاند، كە لای ئەوانە.
بەپێی زانیارییەكان، ئازادكردنی ناوبراو لە ئەنجامی فشارێكی بەرفراوانی ڕێكخراوەكانی كۆمەڵگەی مەدەنی، ڕۆژنامەنووسان، چالاكان و ڕۆشنبیرانەوە بووە، كە لە ماوەی ڕابردوودا كەمپین و دەنگی ناڕەزایەتییان دژی گرتن و بێسەروشوێنكردنی ناوبراو بەرز كردەوە.
لەمبارەیەوە، ئاڵا هۆشیار، ڕۆژنامەنووس و هاوڕێی نزیكی د. حوسێن ڕابی، لە ڕێگەی بڵاوكردنەوەی گرتەیەكی ڤیدیۆیی هاوبەش لەگەڵ ناوبراودا، هەواڵی ئازادبوونی پشتڕاست كردەوە و ڕای گەیاند، كە دكتۆر حوسێن گەڕاوەتەوە ناو كەسوكار و ئازیزانی.
لە ڤیدۆیەكەدا رابی سوپاسی خەڵكی هەولێر دەكات كە كەسێكی وەك وسامە جەمیلیان سەرنەخست بۆ پەرلەمانی عێراق و گوتی، ئەوە نیشانەی كوردپەورەی و دڵسۆزی خەڵكی هەولێربوو.