لەلایەن بەرپرسانی بەڕێوەبەرایەتی حەج و عومرە هۆشداری دەدرێت بەو كەسانەی بەنیازی حەجن و داوایان لێ دەكرێت بەخێرایی سەردانی بانكەكان بكەن و كارەكانیان تەواو بكەن.
ئەمرۆ شەموو 29ـی تشرینی دووەم، كاروان ستوونی گوتەبێژی بەرێوەبەرایەتی گشتی حەج و عومرەی هەرێمی كوردستان، بە "وشە"ـی راگەیاند، داوا لەو هاووڵاتییانە دەكەین كە ناویان دەرچووە بۆ فەریزەی حەج سوود لەو كاتە وەربگرن كە بانكەكان هێشتا دەستیان بە دابەشكردنی مووچە نەكردووە، چونكە لە ئەگەری دابەشكردنی مووچە لە سەرەتای ئەو هەفتەیە قەرەباڵغییەكی زۆر لە بانكەكان دروست دەبێت .
زیاتر گوتی، تا ئێستە سێ هەزار و 625 كەس پارەیان داوە و مامەڵەیان تەواو كردووە و نزیكەیە هەزار ز 260 هاووڵاتی ماون كە دەستیان بە مامەڵەكانیان نەكردووە.
باسی لەوەشكرد، ئەوانەی مامەڵەیان نەكردووە لە ئەمڕۆوە سەردانی نووسینگەكانی حەج و عومڕە و بانكەكان بكەن تا تووشی قەرەباڵغی نەبن و مامەڵەكانیان دوا نەكەوەێت.
شایانی باسە بڕیار بوو پێنجشەمی هەفتەی رابردوو دوا وادەی تەواوكردنی مامەڵەی حاجیان بێت، بەڵام لەپێناو بەرژەوەندی گشتی بە پیێ فەرمانی وەزاری تا ئەو پێنجشەمەیە وادەكە درێژ كرایەوە.