نرخی نەوت لە دابەزینە و زێڕ جێگیرە

:: PM:06:16:27/11/2025 ‌

بەهۆی چەند هۆكارێكەوە ئەمڕۆ نرخی نەوت لە بازاڕەكان دابەزی و نرخی زێریش بە جێگیری مایەوە، بەتایبەتی بەهۆی هەواڵەكان لەبارەی رێككەوتنی ئاگربەست لە ئۆكراینا و چاوەڕوانكردنی كەمكردنەوەی نرخی سوود لە لایەن بانكی ناوەندیی ئەمەریكاوە.

ئەمڕۆ پێنجشەم بەهۆی پێشبینییەكانی ئاگربەست لە ئۆكراینا، كە رێگە لەبەردەم لابردنی سزاكانی رۆژئاوا بەسەر كەرتی نەوتی رووسیا خۆش دەكات، ئێواری ئەمڕۆ نرخی گرێبەستەكانی داهاتووی خاوی برێنت 21 سنت دابەزی، واتە 0.3% و نرخی بەرمیلێكی ئەو نەوتە گەیشتە 62.92 دۆلار، لەوكاتەی نرخی خاوی رۆژئاوای تەكساس 21 سنت دابەزی و و گەیشتە 58.44 دۆلار بۆ بەرمیلێك، دوێنێش نرخی هەردوو خاو 1% بەرز بووەوە. 

لەوكاتەی بڕیارە هەفتەی داهاتوو ستیڤ ویتكۆف نێردراوی ئەمەریكا هەفتەی داهاتوو سەردانی رووسیا بكات، بۆ گفتوگۆكردن لەبارەی لەگەڵ سەركردەكانی رووسیا لەبارەی پلانەكەی ئەمەریكا بۆ ئاگربەست لە ئۆكراینا، فیفیك دار شرۆڤەكار لە بانكی كۆمۆنوێلسی ئوسترالی گوتی، هەر ئاگربەستێك لە ئۆكراینا مەترسییەكان لەسەر نەوتی رووسیا كەم دەكاتەوە، بەتایبەتی پێوەست بە سزاكانی ئەمەریكا لەسەر هەردوو كۆمپانیای رووسنەفت و لوك ئۆیل، بۆیە پێشبینی دەكرێت هەر رێككەوتنێكی ئاشتی نرخی خاوی برێنت بەخێرایی بۆ 60 دۆلار دادەبەزێت. 

شایەنی باسە سێشەمی رابردوو نرخی نەوت لە بازاڕەكان بە رێژەی 2% دابەزی، ئەوەش دوای راپۆرتەكانی هەواڵ كە قسەی بەرپرسێكی ئەمەریكییان گواستەوە بەوەی ئۆكراینا بە رێككەوتن و پلانی ئاشتیی ئەمەریكا رازی بووە، كاتێك نرخی گرێبەستەكانی دواخراوی خاوی برێنت بە بڕی 1.59 دۆلار بۆ بەرمیلێك دابەزی واتە بە رێژەی 2.52% و نرخی بەرمیلێكی گەیشتە 61.77 دۆلار، هەروەها نرخی خاوی رۆژئاوای تەكساس بە بڕی 1.60 دۆلار دابەزی، واتە بە رێژەی 2.1% و نرخی بەرمیلێكی گەیشتە 57.63 دۆلار.



وشە - مه‌حموود ئیسماعیل