ب مەرەما بهێزکرنا پەیوەندیان و دانا دەرفەتێ ژ بو خواندنێ ژلایێ وەڵاتێ هندستانێ بو قوتابیێن کورد، کونسولێ هنستانێ ژ نێزیک سەرەدانا دهۆکێ کر و ژلایێ پارێزگاری هاتە پێشوازیکرن.
د. عەلی تەتەر، پارێزگارێ دهۆکێ دڤی بیاڤی دا گوت، ئەڤرۆ خوە ب خوشحال دبینین کو دهەڤدیتن ل گەل سوباش جاندرە کاین کونسلێ هندستانێ ل هەرێما کوردستانێ ل کوچکا پارێزگەهێ کر.
زێدەتر گوت، د کومبوونەکێ دا ل دۆر پەیوەندیێن دناڤبەرا هەردوو وەلاتاندا ب تایبەتی دبیاڤێ زانستی و پێشڤچوونا وەلاتێ هندستانێ دوارێ تەکنولوژی دا دانوستاندن کرن، کونسولێ هندستانێ راگەهاند کو دحەفتیا بهیت هژمارەکا قوتابیان ل کوردستانێ ب مەرەما خواندنا بلند دێ سەرەدانا وەلاتێ وان کەن و هەروەسا بەرنامەک بۆ پێشئێخستنا شیانێن فەرمانبەران دانایە کو دێ هەماهەنگی ل گەل کارگێریا پارێزگەها دهۆکێ هێتەکرن.
پارێزگارێ دهۆکێ د درێژاهیا ئاخفتنێن خودا گوت ژی، هەر درۆنشتنا خوە دا مە دۆپاتی ل بهێزکرن و پێشڤەبرنا پەیوەندیان دبیاڤێن کەلتوری و زانستی و بازرگانی دا کر.
هندستان ئێک ژ وان وەلاتێن جیهانی کو د چەندین سکتەران دا خزمەتا کوردستانێ دکەت ب تایبەتی د بیاڤێ زانستی و ساخلەمی دا.