ژ ئەگەرێن جودا ددەما کێمتر ژ 10 دەمژمێرێن بوری سێ ترومبێل ل سەنتەرێ باژێرێ دهۆکێ سوتن، فیتەرەک ژی ددەت دیارکرن کو پلەیێن گەرمایێ و خراپیا پانزینێ ئەگەرێن سەرەکی یێن سوتنا ترومبێلانە.
ئەڤرۆ ژ دەمژمێر 9:30ێ سپێدێ هەتا نوکە دەمژمێر 6:30ێ ئێڤاری ئانکۆ ددەما کێمتر ژ 10 دەمژمێرێن بوری ل سەنتەرێ باژێرێ دهۆکێ سێ ترومبێل سووتن وئەگەرێن وان ژی جوداوبوون.
رودانا ئێکێ ل دەمژمێر 9:30 ل گەڕەکا شندوخا روویدا و روودانا دوویێ ژی هەر ل گەرەکا شندوخا ل دەمژمێر 12:30 روویدا، دیسان روودانا سێ یێ ژی ل دەمژمێر 6:30ێ ئێڤاری ل نێزیک ئێتیتێ روویدا و د هەرسێ روودنان ژی دا زیانێن زور یێن ماددی بەر ترومبێلا کەفتن.
عەبدولخالق زێباری، ئێک ژ فیتەر و شارەزایێن میکانیکی و وایەرمەنیا ترومبێلایە بۆ "وشە" گوت، سوتنا ترومبێلا زۆر ئەگەر هەنە،بەلێ ب رەنگەکێ گشتی بلندبوونا پلەیێن گەرمایێ و پانزینا خراپ و نەشارەزایا شوفێرایە ل دەمێ کو ترومبێل تووشی خراپ بوونێ دبیت دبیتە ئەگەر کو کونتاک ترومبێلێ دروست بیت و ببیتە ئەگەرێ سوتنا ترومبێلێ، بو نموونە ئێک ژ روودانێن ئەڤرۆ ژ ئەگەرێ نە شارەزایا شوفێری روویدایە دەمێ شوفێری سلفێ ترومبێلێ ب هەلکری هێلای و پاشان فیدپەمپێ ترومبێلێ ئینای دەرێ و وایەرێن وێ لێک خشاندنی کو ئەڤ یەک شاشیە و دڤێت شوفێر یێ هوشیار بیت.
زێدەتر گوت، پرانیا شوفێرا ل دەمێ دروستوونا روودانەکا بچوک ل ترومبێلێ چوو ئاگرڤەمراندنێن تایبەت نینن و دبیتە ئەگەر کو ئاگرێ ترومبێلێ زور بیت و شیانێن وی دا نەبیت کونترول بکەت، ل دەمێ گیروبونا ئاگرڤەمراندنێ دێ ترومبێل ژی هەموو سوژیت ب تایبەتی ئەگەر ترومبێل دویری سەنتەرێ ئاڤەدانیان ورێیێن دەڤە بیت، لەوا باشتر دبینم کو ترومبێل د دناڤبەرا دەمژمێر 11:00ێ نیڤرۆ هەتا دەمژمێر 5:00ێ ئێڤاری نەهێتە هاژون ل دەمێ پێدڤی نەبیت.
ئەڤسالە ل سنورێ پارێزگەها دهۆکێ پتری 10 ترومبێل سوتنە، ئەڤە بلی سەدان روودانێن ترافیکێ.