ب مهرهما نیشاندانا ئێش و ژان و نهخوشیێن ب سهرێن كچ و ژنێن ئێزدى دچارچوڤێ كومكوژیێن شنگالێ دا هاتى، كچهكا ئێزدا وهكو دهرهێنهر كار لسهر فلمهكێ نوو دكهت ب ناڤێ گهدو.
دلپاك مهجید، دهرهێنهرا فلمێ گهدو بۆ وشە گۆت، دهما دوو سالایه ئهز دوارێ سینهمایێ دا كار دكهم، د نووترین كارێ سنهمایى دا ئهڤه چهنده ئهز كار ل سهر چێكرنا فلمهكێ دكهم كو بهحس ل روودانهكا سالا 2014ێ دكهت و تێدا كچهكا ئێزدى یا خهلكا شنگالێ كهفتبویه دهستێ وهلاتیهكێ باژێرێ موسل، ئهو وهلاتى ئهوێ كچێ دناڤ كوڤهكا پهزى دا دهێلیت و دبێژیتێ ههردهمێ تو موسلمان بوى و ته قورئان ژبهركر دێ ته ئازادكهم.
زێدهتر گۆت، سالا بورى ههیڤا یاژده ههتا نوكه ئهم كار ل سهر وى فلمى دكهین و نوكه فلم ل قوناغا مونتجكرنێ یه، فلم ل شاریا هاتیه چێكرن و كومهكا كهسان و رێكخراوان ههڤكارى و پشتهڤانى تێدا كریه، دفلمى دا بهرخهك دبیته ههڤال ل گهل كچێ دگوڤێ دا، كچهك بناڤێ عالیا محهمهد دهروێش كو د فلمى دا ناڤێ وێ خهلیجه و خهلكا كوبانێ یه و ب رولێ ئهو كچا ئێزدى رادبیت كو روودان ب سهرى هاتیه ل گهل میلاد داود كو ب رولێ ئهبو تهلحه ئهو وهلاتیێ موسل و ب خوه خهلكێ قامشلویه.
دلپاكێ د درێژاهیا ئاخفتنێن خودا دیاركر ژی كو ژ نێزیك فلم دێ داوى هێت و گوت ژی، فلم دێ هێته هنارتن بۆ فلمه ڤێستهڤالێن نیڤدهولهتى بۆ وێ یهكێ ئهڤ چێرۆكا دلئێش بۆ رایا گشتى یا جیهانێ بهێته نیشاندان.