تا ئێستە زانیارییەكان لەبارەی نەخۆشی ئەلزەهایمەرەوە تەواو فەراهەم نییە و پزیشك و زانایان هەوڵی تێگەیشتنی زیاتری دەدەن بۆدۆزینەوەی چارەسەرێك بۆ ئەو نەخۆشییە، بەڵام چەند نیشانەیەك هەیە دەكرێت مرۆڤ لە رێگەیانەوە بزانێت كە ئەلزەهایمەری هەیە یان نا، وەك ناوەندەكانی كۆنترۆلی نەخۆشییەكان و خۆپاراستن
لە ئەمەریكا باسی دەكات لەوانە:
شتەكان لە شوێنی گونجاوی خۆیان هەڵناگرن یان نایدۆزنەوە
*لەدەستدانی یادەوەری و لەبیرچوونەوە كە ژیانی رۆژانەت پەك بخات، تەنیا لەبیرچوونەوە ناگرێتەوە، بەڵكو شتەكان وا دەردەكەون كە هەر روویان نەدابێت، واتە لەبیرچوونەوەیەكی بەردەوام و دووبارەبووەوە هەیە.
*دەركەوتنی كێشەی دارایی، وەك پارەدان یان تووشهاتنی زەرەر یان فێڵ لێكردن.
*لاوازی یان خراپی لە بڕیاردان، وەك فەرامۆشكردنی شتە گرنگەكان و لەبەركردنی جلی ئەستوور لە هاویندا.
*گۆڕانی میزاج و كەسێتی، لە نیشانە سەرەتاییەكانی ئەلزەهایمەرن، كە بەر لە چەند ساڵێك لە تووشبوون دەردەكەوێت.
*هەڵگرتنی شتەكان لە شوێنێ نەگونجاوی خۆیان، ئەوان بەهۆی لەدەستدانی یادەوەری شتەكان لە شوێنی گونجاوی خۆیان هەڵناگرن، وەك چاویلەكە و سویج و هیتریش، یان شتێكیان هەڵگرتووە و نازانن لە كوێیان داناوە و نایدۆزنەوە.