ب مەرەما پاراستنا زارویان و مفا وەرگرتن ژ شیانێن وان و پەروەردەکرنا وان، ل سنورێ پارێزگەها دهۆکێ رێنمایێن نوو بۆ یاریێن زارویان هاتنە دەرکرن.
مشیر محەمەد، قایمامێ ناڤەندی یا زاخۆ دیارکر کو ئەوان ل نێزیک ل گەل ئالیێن شولەژێ ئاخفتیە و گوت، یاریێن زارۆیان ئێک ژ وان سکتەرێن هەری گرنگە، لەوا ئەم ل گەل خودانێن یاریان و ئالیێن شولەژێ کومبوین و ژبو بەرژەوەندیا گشتی بریار هاتە دان رێنمایێن دەستیردانا جهێ یاریێن زارویان ب گورەی ب چەند خەلەکان بیت.
زێدەتر گۆت، بو هەر دەمژمێرەکا یاریا 10 هزار دینار دێ ژ زارویان هێنە وەرگرتن ، نابیت زێدەتربیت، ڤەکرنا وان دێ ژ دەمژمێر 10ی سپێدێ بیت، دیسان هەتا دوماهیا سالا خواندنێ، دێ ل دەمژمێر 10ێ ب شەڤ جهێن یاریان دێ هێنە گرتن، وەرگرتن و پێدانا زارویان ژی دێ ژلایێ کەس و کارێن وان ڤە بتنێ بیت.
قایمقامێ نافەندی یا زاخۆ دیارک ژی کو تومارکرنا داتا و ناڤ و نیشانێن زارویان ل دەمێ هاتنا وان بو جهێن یاریان دێ هێتەکرن و گوت ژی، ستران و ڤیدویێن بۆ زارویان دهێنە دانان دڤێت پەروەردەیا کوردی بیت، دیسان دڤێت کەلتورێ کوردی و جڤاکی بهێتە بەرچاڤگرتن، دروستیا ئامیرێن یاریا بو بکارئینانا یاریا ژلایێ رێڤەبەریا ساخلەمیا زاخو پەسەندا وێ چەندێ بهێتە کرن ، دیسان هەبونا دەست شوو و سیستەمێ سار و گەرم دناڤ جهێ یاریان دا، هەبونا پاکێجا چارەسەریا دەستپێکێ و ئاگرڤەمراندنێ دناڤ ئاڤاهیێ جهێ یاریان دا، هەبونا دەستیریا ساخلەمیێ بو مارکێتێ ل دەمێ هەبونا مارکێتێ دناڤ جهێ یاریان دا، دانانا کامیرێن چاڤدێریێ ب رەزامەندیا بەشێ نەهێلانا گونەهباریان و جێ بەجێ کرنا رێکارێن دەستیردانێ ژلایێ کارگێریا قائمقامیا قەزا ناوەندیا زاخو ڤە.
ژبلی زاخۆ ئەڤ ڕێنمایە بو هەموو دەڤەرێن کوردستانێیە، ژبلی جوداهیا کوالێتیا کاری وبهایێ یاریان.