دانعهمر بۆ وان كهسان دهێته گوتن كو د كهڤنه ل سهر ژیێ 60 سالى وهكو نێر و 55 سالى وهكو مێ، ژ روویێ هێز و شیانێن لهشى لاواز دبن و پێدڤى یه ل سهر ئالیێن شولهژێ ب ئهركێ خودانكرنا وان رابن، بهلێ پشكهك ژ دانعهمران ژ بهر مایتێكرنێن جڤاكى و نهبوونا سهمیانان ژنهچارى كار دكهن داكو بشێن بهردهوامیێ ب ژیانا خوه بدهن.
خهلیل چێى، رێڤهبهرێ چاڤدێریا جڤاكى ل دهۆكێ بۆ "وشه" گۆت: (دانعهمر ئێكه ژ پێكهاتهیێن ههرى گرنگ دناڤ جڤاكى دا و دڤێت مفا ژ هێز و شیان و سهربورا وان بهێته وهرگرتن ب تایبهتى د پهروهردهكرنا جیلێ نوو دا، ب گورهى قانونا عیراقى ئهو كهسێن دكهڤنه ل سهر ژیێ 60 سالى وهكو نێر و 55 سالى وهكو مێ ب كهسانێن دانعهمر دهێنه هژمارتن و دڤێت بهێنه ب خودانكرن و چاڤدێریا وان د مالێن دانهعهمران دا بهێتهكرن).
زێدهتر گۆت: (ل ههرێما كوردستانێ ب گشتى و پارێزگهها دهۆكێ ژی خانى و مالێن تایبهت بۆ ب خودانكرن و ڤهحهواندنا وان، مالێن تایبهت بۆ دانعهمران هاتینه دروستكرن، نوكه ل دهۆكێ 23 دانعهمر ل مالا دانعهمران ههنه و ههموو پێدڤیێن ژیانێ و چاڤدێریێ بۆ دهێنهكرن، سوپاس بۆ خودێ رهوشا وان باشه، ئهم داخوازێ ل ئالیێن شولهژێ و وهلاتیان ژی دكهین كو ب گورهى شیانێن خوه ههڤكاربن بۆ پتر خزمهتكرنا مالا دانعهمران، نوكه ل دهۆكێ مالا دانعهمران پربویه و جه بۆ ڤهحهواندنا زێدهتر یا دانعهمران نینه، لهوا داخواز دكهین كو مالهكا مهزنتر بۆ دانعهمران بهێته دروستكرن).
ب گورهى راپرسهكێ كو ل سهر تورا جڤاكى یا فهیسبوكێ هاتیه ئهنجام دان و 183 كهسان پشكدارى تێدا كریه، 44.8% كو 82 كهسان بخوڤه دگریت، ددهن دیاركرن كو د مالێن وان دا دانعهمر كار دكهن، دههمبهر دا 101 كهسان كود بیته 55.2% ددهن دیاركرن كو د مالێن وان دا دانعهمر كار ناكهن.