ب مەرەما پێشئێخستنا کەرتێ چاندنێ و پشتەڤانیکرنا جوتیاران، هاریکاریێن چاندنێ ل سەر هەژمارەکا جوتیاران دا هاتە دابەش کرن.
جیهان رەسول، ژ راگەهاندنا رێڤەبەریا گشتییا چاندنێ ل پارێزگەها دهۆکێ دیارکر کو هاریکاری پێکهاتبوون ژ تۆڤێ گەنمی ژ جۆرێ جیهان و سەمادێ یوریا مرکب و سەمادێ یوریا شەکری ل گەل جەهی بۆ کارگەها عەلەفێ کەسک.
زێدەتر گوت، هاریکاری ب هەڤکاریا وەزارەتا سامانێن سروشتی و کۆمپانیا گۆڵف گیستۆن یا پەترۆلێ بویە و ل سەر 627 جوتیارێن 12 گوندێن سنوورێ ناوچەدارییا قەسرۆکێ ل دەڤەردارییا شێخان هاتنە دابەش کرن.
دەڤەرا شێخان و قەسروک زورترین رێژا چاندنێ ل پارێزگەها دهۆکێ دهێتەکرن و ئێکە ژ دەڤەرێن دەشتایی و رووبەرەکێ بەرفرەهـ و ئاخەکا ب پیت یا چاندنێ هەیە.