مەسروور بارزانی سەرۆكی حكوومەتی هەرێمی كوردستان، پێشوازی لە لە ئیلبروس كوتراشیڤ باڵوێزی ڕووسیا لە عێراق و شاندێكی یاوەری كرد، لە كۆبوونەوەی نێوانیان باسی چارەسەركردنی كێشەكانی نێوان هەرێمی كوردستان و حكوومەتی فیدراڵی لەسەر بنەمای دەستوور كراوە.
ئەمرۆ سێشەم چواری تشرینی یەكەم، مەسروور بارزانی سەرۆكی حكوومەتی هەرێمی كوردستان، پێشوازیی لە ئیلبروس كوتراشیڤ باڵوێزی رووسیا لە عێراق و شاندێكی یاوەری كرد.
لە كۆبوونەوەكەدا گفتوگۆ لەبارەی بارودۆخی گشتیی عێراق و ناوچەكە و پێوەندییەكانی هەرێمی كوردستان و رووسیا كرا.
تەوەرێكی تری كۆبوونەوەكە، تایبەت بوو بە گرنگیی چارەسەركردنی كێشەكانی نێوان هەرێمی كوردستان و حكوومەتی فیدراڵی لەسەر بنەمای دەستوور.