ب مەرەما بەرسنگرتنا ئاڤا لەهی و بارانان، کار ل سەر پاقژکرنا رووبارێ هشکەرۆ دهێتەکرن، ل دەمێ پاقژکرنێ دا چەند پارچە تەقەمەنی هاتنە دیتن.
رێگر بێسفکی، بەرپرسێ راگەهاندنێ ل رێڤەبەریا گشتی یا کاروبارێن مین و تەقەمەنیان ل پارێبگەها دهۆک بۆ "وشە" گۆت، ب مەرەما بەرسنگرتنا ئاڤا لەهی و بارانان، کار ل سەر پاقژکرنا رووبارێ هشکەرۆ ل سەنتەرێ باژێێ دهێتەکرن داکو کارتێکن ل مالێن وان وەلاتیان نەکەت یێن ل رەخ و رویێن رووبارێ ناڤبری هاتینە چێکرن.
زێدەتر گوت، ل دەمێ پاقژکرنا رووباری دا چەند پارچە تەقەمەنی هاتنە دیتن، کوئەو ژی گولەکا -RPG- و گولە هاونەکا 82 ملم بوون، هەرە ل دەم ل دەست تیما ژناڤبرنا میـن و تـەقـەمـەنـیا ـ EOD ل جهێ وان ئامادەبوون و ئەو گولە هاتە ڤەگوهاستن بو مەرەما ژناڤبرنێ داکو گیانێ وەلاتیان نەکەڤیتە د مەترسیێ دا، کو ژ پاشماوەیێن شەران بوون.
ددەما کێمتر ژ حەفتیەکێ دا ئەڤە گەڕا چوارێ یا دیتنا پارچەیێن چەک و تەقەمەنیایە ل سنورێ پارێزگەها دهوکێ و ئیدارا سەربخوەیی یا زاخۆ.