ب کۆژمێ پتری 23 ملیاران دیناران 17 پرۆژێن نوو چونە دوارێ بجهئینانێ دا

:: AM:11:03:12/11/2022 ‌
ب مەرەما خزمەتکرنا وەلاتیان و گرنگیدان ب ئاڤاکرن و دروستکرنا پرۆژێن خزمەتگۆزاری، کارگێریا پارێزگەها دهوکێ 17 پرۆژێن نوو ل پارێزگەها دهوکێ ب کوژمێ پتری 23 ملیار دیناران چونە دوارێ بجهئینانێ دا.

مللەت عسمەت، سکێرتێرێ رۆژنامەڤانیێ پارێزگارێ دهوکێ دیارکر کو بریارا پارێزگارێ دهۆکێ 17 پرۆژێن نو ب کوژمێ پتری 23 ملیار دیناران ل سەر بودجا حوکمەتا هەرێما کوردستانێ چونە دوارێ بجهئینانێ دا.

زێدەتر گوت، ئەڤ پرۆژە جوراوجورن ودێ ل دەڤەرێن جودا یێن پارێزگەها دهۆکێ هێنە دروستکرن.

پروژە پێکدهێن ژ چێکنا قۆناغا ئێکێ یا درۆستکرنا ئۆڤەرپاس و ئەندەرپاسا بناڤی ئێک دگەل یوتێرنا مالتایێ و قێرکرنا 60 مەترا ل جادا خزمەتگوزاری یا جادا بارزان، ب کۆژمێ  13 ملیار و 145 ملیۆن دیناران، دیسان پرۆژێ چێکرن و قێرکرنا رێکێن نافخۆیی ل ناحیا شێلادزێ، ل تاخێ سەرهلدان و  پرۆژێ چێکرن و قێرکرنا رێکێن نافخۆیی ل سیریێ تاخێن قەندیل، کەمپێ، پرۆژێ چێکرن و قێرکرنا رێکێن نافخۆیی و سولینان ل سەنتەرێ ناوچەداریا شێلادزێ تاخێ گۆلان، سەخبێریکرنا رێکا قۆتابخانا خاستو ژێری ب کۆژمێ ملیارەک و 161 ملیون دیناران، پرۆژێ  ئاڤدانێ و پرۆژێ چێکرنا جوکا ئاڤدانا بیستانا گێرێن جندیا و پرۆژێ رێکا ئاڤدانێ بیستانا گەرێ ل بامەرنێ ب کۆژمێ  301 ملیۆن و 485 هزار دیناران . 

دیسان سەخبێریکرنا رێکێ ژ جادا سەرەکی هەتا قۆتابخانا گۆندێ چەمان ب درێژاهیا ١کم و سەخبێریکرنا رێکا گۆندێ گەرماڤا، ب درێژاهیا ٢.٧کم و سەخبێریکرنا چەند رێکێن نافخۆیی ل گۆندێ ئێمینکێ و ب درێژاهیا کیلومەترەک و450 مەتر قۆناغا دووێ، سەخبێریکرنا رێکا گۆندێ بهێرێ ب کۆژمێ ملیارەک و 78 ملیون دیناران، کۆلانا بیرێن ئاڤێ ل سەنتەرێ باژێرێ دهۆکێ و چەند گۆندا ل ناحیێن مانگێشک و زاویتە ب کۆژمێ 472 ملیۆن دیناران، چێکرنا سۆلینەکا ئاڤرێژ ل تاخێ ئێتیتا نوی نێزیک مزگەفتا رەیان دگەل چێکرنا سۆلینەکا ئاڤرێژ ل تاخێ کانی مەهمەدکێ کولانا هەران، چێکرنا سۆلینەکا لولەکی ب درێژاهیا 120سم ل تاخێ نزارکێ جادا جینو و نێزیک قۆتابخانا نزارکێ، چێکرنا سۆلینەکا ئاڤرێژ یا لولەکی ٩٠سم ل تاخێ ئێتیتا نوی نێزیک ویستگەها کارەبێ ب کۆژمێ 244 ملیون و  717 هزار دیناران. 

هەر دیسان دەرئێخستنا فیدەرێن نوی 11 کەی.ڤی، ژ ویستگەها موبایلا 25mva  ل سیریێ و تمامکرنا فیدەرێ ٣٣ کەی.ڤی، ژ ویستگەها موبایل ل سیریێ و پرۆژێ روهنکرنا دەروازێ ناحیا سەرسنکێ، گەهاندنا هێلا کارەبێ بۆ تاخێ ئازادی، تاخێ ئیسفکا، دگەل قەدشێ، گەهاندنا کارەبێ بۆ گۆندێ شکەفتا 511 ملیۆن دیناران، پرۆژێ چێکرنا رێکێن نافخۆیی ل سەنتەرێ ناحیا گردەسین و چێکرن و سەخبێریکرنا رێکێن نافخویی ل سەنتەرێ ناحیا بجیل ب کۆژمێ ملیارەک و 214 ملیۆن دیناران، سەخبێریکرن و قێرکرنا جادا بۆ چەند قۆتابخانا و مزگەفتا ل سنورێ باژێرڤانیا ئاکرێ و سەخبێریکرن و قێرکرنا جادێن دەڤەرا کارگەهێن سڤک و ویستگەها ل سنورێ باژێرڤانیا ئاکرێ ب درێژاهیا سێ کێلومەتر و 80سم و گرێدانا گەرەکا شەهیدان ل فەوجێ دگەل جوت سایدێ سەرەکی نزیک هولا کونفرانسا و ڤەکرن و تێکەلکرنا سایدەکێ جادا ٤٠ مەتری ل بەرانبەر کولیژا پەروەردێ هەتا جادا ئالەرەشێ یا کەڤن ب کۆژمێ دوو ملیار و 123 ملیون دیناران.

هەر دیسان قێرکرنا رێکێن گوندێن درویشان بۆ ئاڤدەلی بۆ تل جومل بۆ زیناڤا کەڤن بۆ پرا پیربوب و قێرکرنا رێکا کەلەکچی بۆ تل جومل و دروستکرن و سەخبێریکرنا رێکێن گوندێن کانی گۆل، زیناڤا میری و قێرکرنا رێکا کەلەکچی بۆ گوندێ گەرمک بچوک ب کۆژمێ ملیارەک و 749 ملیون دیناران، پرۆژێ چێکرنا رێکێن نافخۆ ل گۆندێ کانیکا و پرۆژێ چێکرنا رێکا گۆندێ ئەرەدنا مەسیحیان ب کۆژمێ 399 ملیون دیناران، چێکرنا سۆلینەکا ئاڤرێژ ل ماسیکا رۆژئاڤا سەنتەرێ باژێرێ دهۆکێ و چێکرنا سۆلینەکا چارگوشە ب دیراتیێن ژناڤدا 3*3 ل سەر جادا سەرەکی دناڤبەرا تاخێن مالتا سەری و مالتا خارێ، ب کۆژمێ 222 ملیۆن دیناران،  سەخبێریکرنا رێکا گۆندێ گلێنە و سەخبێریکرنا رێکا زێلکە فەخری و کولەکان و چێکرنا رێکا قادسی مەزن ب درێژاهیا ٢.٥کم ب کۆژمێ ملیارەک و  ملیارەک و 174 ملیۆن دیناران،  نویژەنکرنا چەند بیرێن ئاڤێ ل سێمێلێ و چێکرنا پرۆژێن ئاڤێ ل گۆندێ بوسریان و پرۆژێ چێکرنا پالدانێ ل کۆمەلگەها مسیرێکێ و کۆلانا چەند بیرا ل تاخێن کێڤلا، حەوشکێ، تەناهی ب کۆژمێ 908 ملیون دیناران، چێکرنا بیرێت سەر ئەرد ژمارە ٥ ل گوندێن باجلور، بەندا، بەروشکا سێڤێ، ئالەکینا، غلبوک و چێکرنا جوکا ل مێسکێ و چێکرنا برکێت کونکریتی ژمارە چوار ل گوندێن خازیاڤا، چەمان، پیرموس، میمەدلی،  و چێکرنا جوکا نحیتێ-جوک و برکا کونکریتی زێوکا عەبوی و بیرەکا سەر ئەرد دگەل برکا کونکریتی ل زێوکا عەبوی ب کۆژمێ 271 ملیۆن دیناران. 


وشە - نەوزاد هلۆری