کونرانسا پێکڤەژیانێ ل پارێزگەها دهۆکێ ب ئامادەبونا نونەرێن هەموو ئاین و نەتەوەیان دەستپێکر کو تێدا بەحس ل ئاستێ پێکڤە ژیانێ دکەت، وەزیرێ ئەوقاف و کاروبارێن ئاینی ژی دیارکر کو پێکڤە ژیان ل کوردستانێ ب قانون هاتیە رێکخستن.
د. پشتیوان سادق، وەزیرێ ئەوقاف و کاروبارێن ئاینی یا حوکمەتا هەرێما کوردستانێ دیارکر کو باژێرێ دهۆکێ وەرچەرخانەکا گرنگ ل دیروکا پاراشتنا پێکڤە ژیانێ هەبویە و گۆت: (تیرورێ رەنگڤەدانەکا خراپ ل سەر تێکدانا پێکڤە ژیانێ هەبویە،بەلێ تێگەهشتنا خەلکێ کوردستانێ دیتنەکا باشتر هەبویە، بو نمونە دەمێ داعش هاتیە دەڤەرێن ئێزدیان، ئێزدی هاتیە پارێزگەها دهۆکێ، خەلکێ پارێزگەهێ دەرگەهێن خوە و مال و مزگەفتان و قوتابخانان ڤەکرن و ئێزدی تێدا حەواندن، ئەڤە زۆر گرنگە و نیشاندا کو ئاینێ ئیسلام پەیاما ئاشیێ یە و پێکڤە ژیان هێمایێ ئاشتیێ یە، ئەڤرۆ کوردستان ل ئاسا پێشمەرگە و کەلتورێ پێکڤە ژیانێ و وتارا میانڕەو، کوردستان ل سەر ئاستێ جیهانێ پێشکەفتیە و جهێ شانازیێ یە، دڤێت ئەم پتر بهایێن ئاینی و نەتەوەی و هزری و فەلسەفی ل کوردستانێ ل ژێر کومکرنا برایەتی کوم بکەین، چونکی خودێ مروڤ ب ئازادی دایە ودڤێت ب ئازادی ژی بژیت، مە یاسا ل کوردستانێ بۆ پاراستنا پێکڤە ژیانێ هەیە و ل کوردستانێ هەشت ئاین کو رولەکێ کارا د خەبات و بزاڤا رزگاریخوازیا کوردستانێ هەبویە دناڤ دا د پاراستی نە، دێ هەولدەین کو یاسا و قانونێن باشتر ب رێیا پەرلەمانی دەربکەین بۆ وێ یەکێ باشتر خزمەتا کوردستانێ بکەین).
زێدەتر گۆت: (ل کوردستانێ کار بو ڤەکرنا پەیمانگەهەکێ بو ماموستایێن ئاینی دهێتە ڤەکرن، تێدا ماموستایێن هەموو ئاینان هێنە پێگەهاندن، لەوا دخوازین کو کونفرانسێن بڤی رەنگی زێدەتر بهێنە ڤەکرن داکو پێکە ژیان باشتر بیت).
د. عەلی تەتەر، پارێزگارێ دهۆکێ دیارکر کو پێکڤە ژیانێ رەهـ و ریشالێن خوە ل کوردستانێ برینە خوارێ و گوت: (جهێ شانازیێ یە زێدەباری هەموو شەر و ئالوزی و ناکوکی و جیاوازیان، بەلێ کوردستانێ پێکڤە ژیانا خوە یا پاراستی، گەلەک ئاستەنگ و نەخوشی و کومکوژی ژی ب سەر کوردان ب درێژاهیا دیروکێ دا هاتینە پێخەمەت هەبوونا پێکڤە ژیانێ، پێکڤە ژیان ئەو تنێ نیە کو تاکێن ئاینێن جیاواز سەرەدانا هەڤدو دکەن، بەلکو پێکڤە ژیان ئەوە کو هەموو ئاین و نەتەوە پێکڤە کار بکەن و پێکڤە بژین و هەڤپشک بن د رێڤەبرنا کاروبارێن کوردستانێ، پترانیا بزاڤێن کوردایەتی و داستانان دا تاکێن کورد ل هەموو پێکهاتەیان بەرەڤانی پێکڤە ژ ئاخا کوردستانێ کریە ژ بزاڤ و شورەشێن کەڤن هەتا یێن نوێ هەموو بڤی رەنگی بویە، بەلێ ب ستایل و سیاسەتەکا دی کو جیهانگیری یە).
زێدەتر گۆت: (دوژمنێن مە و دورۆبەرێن مە بەردەوام خزمەتێ دکەن کو ئەرک و مافێن مە و پێکڤە ژیانا کوردستانێ و ئازادیێ و دیموکراسیێ و هەتا دوماهیێ تێکبدەن، لەوا گرنگە ئەم ژی بزاڤێن خورتر بکەین کو ل سەر ئاستێ نیڤدەولەتی پشتەڤانیەکا باشتر پەیدا بکەین، کوردستان وارگەهێ پێکڤە ژیانێ یە و چوو منەت ژی تێدا نینە کو رێزێ ل هەڤدوو نەگرین و خزمەتا هەڤدوو نەکەین، دڤێت ئاڤاکرنا جهێن ئاینی و ساخکرنا داب و نەریت و کەلتور و بنەمایێن پێکڤە ژیانێ خورتر بکەین، دیسان دڤێت کار بۆ ساخکرنا زمان و جیاوازیێن هزری و روشەنبیری و فەر حزبی ژی خورت بکەین داکو بشێن خزمەتەکا گشتی بکەین ).
پارێزگارێ دهۆکێ د درێژاهیا ئاخفتنێن خودا دیارکر ژی کو هەبونا هندەک ئاریشە و ناکوکیان رامانا نەمانا پێکڤە ژیانێ ناهێت و گوت ژی: (حوکمەتا هەرێما کوردستانێ ب پشتەڤانیا هەلگرێن پەیامێن ئاینی ب تایبەتی ماموستایێن ئاینی خزمەتەکا باش بۆ پێگەهاندنا جیلێ نو کریە، لەوا دڤێت هەموو رەنگێن ئاینی و نەتەوەی و هزری و سیاسی بهێنە پاراستن).