سەرۆكاتیا زانكۆیا دهۆك راگه‌هاند، بۆ ماوێ سێ رۆژان ماتەمینیێ راگەهاند وەکو رێزگرتن ل گیانێ وان كەسێن د روویدانا پەقینا تانكێ غازێ دا ل سەر بانێ پشكەکا ناڤخۆیی یا قوتابیان، یا سەر ب وەزارەتا پەروەردێ ڤە، بووینە قوربانی.
ئه‌مڕۆ سێشه‌م 22ی تشرینی دووه‌م، سه‌رۆكاتیێ پرسە و سەرەخۆشیێن خۆ ل مالبات و كەسوكار و هەڤالێن وان كرن و ژ خودێ خواست ل بەحەشتا خۆ شاد بكەت و سلامەتیێ و ڤەگەراندنا ساخلەمیێ ب زویترین دەم بۆ هەمی برینداران خواست.
سەرۆكاتیا زانكۆیا دهۆك دیار ژی كر، ژ ئه‌گه‌رێ ڤێ روودانێ ماتەمینیێ بۆ ماوێ سێ رۆژان رادگەهاند، كو د ڤان سێ رۆژان دا ئالایێن زانكۆیێ و كۆلیژان وەكو رێزگرتن ل گیانێ قوربانیان دێ هێنە خوار و چالاكی ل زانكۆیا دهۆك دێ هێنە راگرتن.