ئهڤرۆ ئامادهبونا راوێژكارێ سهروكێ حكومهتا ههرێما كوردستانێ و وهزیرێ ساخلهمیا ههرێما كوردستانێ و نونهرێ پارێزگارێ دهوكێ و د نوشدارێن تایبهتمهند یێن نهخوشیا پهنجهشێرێ ل سهرجهم ههرێما كوردستانێ، لژێر دروشمێ " كهلێنی خزمهت پر دهكهینهوه" وهزارهتا ساخلهمیێ كونفراسێ سالانه یێ روژا جیهانی یا پهنجهشێرێ ل هولا هوتێل ریكسوس ئهنجامدا.
بهراهیێ ماجد سەید سالح نونهرێ پارێزگارێ دهوكێ ب درێژی بهحسێ پشتهڤانیا حكومهتا ههرێما كوردستانێ و كارو بزاڤێن ئیدارا پارێزگههێ و ساخلهمیا پارێزگههێ د بوارێ پێشڤهچونا كهرتێ ساخلهمیێ ب تایبهت روب روبونا نهخوشیا پهنجهشێرێ كر و گوت، سوپاسیا وهزارەتا ساخلهمیێ دکەین کو ئهڤساله باژارێ دهوكێ ههلبژاتی بو ئهنجامدانا كونفرانسێ خوه و داخوازین کو وهزارهتا ساخلهمیێ پێنگاڤێن خوه بو ئاڤاكرنا نهخوشخانا پهنجهشێرێ ل پارێزگهها دهوكێ خورتـتر بكهت.
د. سامان بەرزنجی، وهزیرێ ساخلهمیێ یا حوکمەتا هەرێما کوردستانێ پهیڤهك پێشكێشكر و گوت، سوپاسیا حكومهتا ههرێما كوردستانێ دكهین كو ب ههمو رویانڤه پشتهڤانه دگهل وهزارهتا ساخلهمیێ و ب تایبهت سازیێن بەرهنگاربوونا نهخوشیا پهنجهشێرێ و ب خوشحالیڤه ئهڤرو ل پارێزگهها دهوكێ كومڤهبوین ئارمانجامه ب رونشتن و ساخكرنا ڤێ روژێ خرڤهكرنا داتا و زانیاریێن توشبویێن پهنجهشێرێ یێن ههمی سازیێن ساخلهمیا ههرێمێ و هوشیاریا جڤاكی و خورتكرنا بزاڤێن چارهسهریانه , داخواز ژ هاولاتیان دکەین کو هوشداریێن لایهنێن ساخلهمیێ بهرچاڤ وهرگرن ژبهركو ب مخابنیڤه توشبون ب نهخوشیا پهنجهشێرێ بهر ب زێدهبونێ ڤهیه.
زێدەترگوت، جهێ داخێ یه حكومهتا عیراقێ ب شێوهیێ دادپهروهرانه هاریكاری و پێدڤیێن بەرهنگاربوونا نهخوشیا پهنجهشێرێ رهوانهی ههرێما كوردستانێ ناكهت و ئهڤه ژی بویه بارگرانیهك لسهر سازیێن مهیێن ساخلهمیێ.
سالا بوری ل هەرێما کوردستانێ هژمارا توشبویان د زیدەبوونێ دایە، ل ههولێرێ چوار هزار و 304 كهس و سلێمانیێ سێ هزار و 323 كهس و دهوكێ هزار و 434 كهس توشی نهخوشیا پهنجهشێرێ بوینه كو سهرجهمێ وان دبنه نەه هزار و 61 كهس ژوان ژی %56 ئافرهتن و%44 زهلامن.