دۆڕانە شەرمەزارییەكەی ریال مەدرید لە چوارشەمی رابردوو لە یاری هاتن لە خولی پێش كۆتایی خولی پاڵەوانانی ئەوروپا، كاریگەریی خستە سەر ناوبانگی كارلۆ ئەنشیلۆتی، راهێنەری ناوداری ئەو تیمە، قسە و باسی ئەوە هەبوو ئەو وەك راهێنەری هەڵبژاردەی بەرازیل دەست بەكار بێت، كەچی ئەنشیلۆتی خۆی یەكلا كردەوە.
لە ئاداری باردوو ئیدنالدۆ رۆدرێگز، سەرۆكی یەكێتی تۆپی پێی بەرازیل رای گەیاند كە ئەنشیلۆتی بژارەیەكی دیارە بۆ پڕكردنەوەی پۆستی راهێنەری هەڵبژاردەی یەكەمی بەرازیل، ئەگەر لە كۆتایی وەرزی تۆپی پێی ئەوروپا بەردەست بێت، لەوكاتەی دوای دۆڕاندنی ریال مەدرید بەرانبەر بە مانشستەر سیتی بە ئەنجامی 4-1، پێشبینییەكان بە رۆیشتنی ئەنشیلۆتی لەو تیمە زیادی كرد، بەتایبەتی كە لە بردنەوەی خولی ئیسپانیا شكستی هێنا.
ئەمڕۆ شەموو
ئەنشیلۆتی لە كۆنگرەیەكی رۆژنامەوانیدا سەبارەت بە بەردەوامیی خواستی بەرازیل بۆ گرتنەدەستی ئەركی راهێنانی هەڵبژاردەكەی، بە بێزارییەوە گوتی، هەمووان بە هەڵوێستم دەزانن، تا كۆتایی وەرزی 2024 گرێبەستم لەگەڵ ریال مەدرید هەیە و دەمەوێ بمێنمەوە.
لەبارەی ئەوەی ئاخۆ ریال مەدرید خۆی دەیەوێ ئەنشیلۆتی بمێنێتەوە، ئەو گوتی، بێگومان، لەگەڵ ئەوەدا تا ئێستە ئیدارەی یانە شاهانەكە بە فەرمی هیچ بەیاننامەیەكی لەبارەی دوارۆژی ئەنشیلۆتی دەرنەكردووە.