دەما چەند سالایە هژمارەکا زۆر یا دەواران ل سەر جادە و جهێن گشتی و ناڤا بازاڕێ شێلادزێ دهێنە دیتن و ژینگەهـ و داروبارێ بازاڕی تێکدایە و زیانێ دگەهینن مالێن خەلکی ژی، باژێرڤانیا شێلادزێ ددەت دیارکرن ئەگەر ب زووترین دەم خودانێن وان نەهێن ببەن ئەم دێ گرین و فروشین، پیرابونان ژی ل گەل خودانێن وان وەرگرین.
سەربەست مێزی، سەرۆکێ باژێرڤانیا شێلادزێ دیارکر کو دەمەکە هژمارەکا دەوارێن وەلاتیان دناڤ بازاڕ و جهێن گشتی و سەر جادەیان هاتینە بەرەلاکرن و گوت، شێلادزێ باژێرەکێ جوانە و باژێرڤانیێ و وەڵاتیان ژی چەندین دار و بار و کەسکاتی ل سەر جادە و جهێن گشتی و بەردەرگەهێن مالا دروستکرینە، بەلێ هندەک کەس دەوارێن خوە بەرەلایی سەر جادە و ناڤا بازاڕی دکەن و زیان ب ژینگەهـ و داروبارێ گشتی و تایبەت گەهاندیە.
زێدەتر گوت، وەکو باژێرڤانی مە بریار دایە کو دەمەکێ دیارکری بدەینە خودانێن وان دەوارا کو ب زوترین دەم بهێن دەوارێن خوە ڤەگرن و بخودان بکەن و بەرەلا نەکەن، بەروڤاژی باژێرڤانی سەرپشکە ب فروتنا وان دەوارا، زێدەباری کو دێ خودانێن وان ژی دەت دادگەهێ و پێرابونێن یاسایی هەمبەروان گرینەبەر.
ناڤبری دیارکر ژی کو هژمارا وان دناڤبەرا 20 بۆ 30 دەوارانە وگوت ژی، باشترە خودانێن وان، دەوارێن خوە ل جهێن تایبەت ب خودان بکەن، داکو سیمایێ باژێری و ژینگەها باژێری ژی جوانتر بیت و ئەم ژی بشێن پتر خزەمەتا باژێری بکەین، پێشتر ژی چەندین جارا وان دەوارێن هاتینە بەرەلاکرن زیان ب ژینگەهـ و داروبار و کەساتیێ ناڤا جادە و بازاڕ و مالێن وەلاتیان گەهاندیە، چەندین جاران مە خودانێن وان ئاگەهدارکرینە.
شێلادزێ ئیک ژ دەڤەرێن جوان یێن گەشتیاری یە ل کوردستان و پارێزگەها دهۆکێ، دکەڤیتە رۆژهەڵاتێ ئامێدیێ دناڤبەرا هەردو روبارێن زێی مەزن و ئاڤا شین، نێزیکێ 50 هزرار کەس تێدا دژین، حوکمەتا هەرێما کوردستانێ پرانیا خزمەتگۆریێن ژیانێ بۆ خەلکی دروستکرینە.