ب مەرەما پێشڤەبرنا کەرتێ وەبەرهێنان و پێشەسازی و دابینکرنا دەلیڤێن کاری، 18 پرۆژێن نوو یێن پێشەساری و وەبەرهێنانێ دێ ل دهۆکێ هێنە چێکرن.
دکۆمبوونەکێ دا، ارێزگارێ دهوکێ ل گەل لژنا تایبەتمەند یا پێشەسازی و وەبەرهێنانێ، دانوستاندن ل سەر ھژمارەکا داخوازی و پرۆژێن پیشەسازی و یێن وەبەرھێنانێ یێن خودان کار و سەرمایەدارێن پارێزگەھێ ھاتنە کرن.
ھەر دکۆمبوونێ لژنا بلند رازیبونا خۆ ل سەر دامەزراندن و ئاڤاکرنا 18 پرۆژێن پیشەسازی و بەرھێنانێ دبیاڤێن جودادا کر کو ئەڤ پرۆژە دێ ل جھێن جودا ل سنوورێ پارێزگەھێ ھێنە ئاڤاکرن و دەلیڤێن کاری بۆ ب سەدان گەنج وخودان پیشەیا دابینکەن.
پارێزگارێ دھۆکێ، دکومبونێ دا دیارکر کو دڤێت ھەمی پرۆژە یێن رازیبوون ل سەر ھاتیە کرن ل دووڤ رێنمایێن لیژنێ و یاسایێن حکومەتا ھەرێما کوردستانێ بھێنە بجھئینان و بابەتێن ساخلەمییا گشتی و پاقژیا ژینگەھێ ل بەرچاڤ بھێنە وەرگرتن و گوت، وەکو کارگێریا پارێزگەها دهۆکێ پشتەڤانیێ بۆ ھەمی سەرمایدار و بەرھێنەران دکەین بۆ چێکرنا پرۆژەیێن جودا.
ئەو پرۆژەیێن رازیبوون ل سەر ھاتیەدان ڤان سەکتەرا بخۆڤە دگرن (کارگەھێن ئاڤێ، دەرمانێن پاقژکرنێ، نوشداری، بەرھەمێن پترۆلێ، کوگەھێن عومبارکرنێ، کارگەھێن ئەلەمنیومی، ئاسنی کەلوپەلێن خارنێ وجل وبەرگا و...ھتد).
ل سنورێ پارێزگەها دهۆکێ پتری 10 هزار جهێن گریدایی پێشەوەران هەنە و سەدان هزار کەس تێدا کاردکەن.