ب مەرەما زێدەکرنا کارەبا نیشتمانی و نەهێلانا زێدەگاڤی و دزیێن لسەر هێلا کارەبێ، کارەبا دهوکێ 63ێ دزیێن لسەر کارەبا نیشتمانی ل مەزرەعێن نێزیک دهۆکێ راکرن.
ژێدەرەکێ ل رێڤەبەریا بەلاڤکرنا کارەبا پارێزگەها دهوکێ بو وشە دیارکر کو هەوەکا مەزن بۆ نەهێلانا دزیێن ل سەر تورا کارەبا نیشتمانی ل دهۆکێ دەستپێکر و گۆت، د ئێکەم هەودا شیاین 63ێ دزیێن ل سەر تورا نیشتمانی ل مەزرەعێن دەوروبەرێن دهۆکێ راکەین کو دناڤ رەز و بیستانێن گوندەوارێن کورا، رەشاورێ، دەرگەلێ، مەمانێ و کەمەکا هاتبونەکرن، ژبلی راکرنێ هەڤدەم خودانێن وان ژی هاتنە سزادان.
زێدەتر وت، ئەڤ دوڤچونە ب هەڤکاری ل گەل رێڤەبەریا پولیسێن کارەبا دهوکێ هاتەکرن و دێ یا بەردەوام بیت هەتا کونترولا زێدەگاڤیان بهێتە کرن، ژزەرکو نەهێلانا زێدەگاڤیان رێکخستنا تورا کارەبێ دکەت و هێزا کارەبێ ئەوا ب هەروە دچیت دیاردکەت و دەمژمێرێن دانا کارەبا نیشتیمانی زێدە دکەت.
ل سنورێ پارێزگەها دهۆکێ چەندین دزی لسەر تورا کارەبا نیشتمانی هاتیەکرن، ب تایبەتی ل مەزرەعا، لەوا بو دوڤچون و نەهێلانا وان جار جار هەوێن بەرفرەهـ دهێنەکرن.