تیپا دهۆک یا هونەرێ مللی، یا سەر ب رێڤەبەرییا گشتی یا رەوشەنبیری و هونەری ل پارێزگەها دهۆکێ، پشکداری فەستیڤالا ئێسنیۆرت یا نیڤدەولەتی یا سەما و مۆزیکا کەلتووری یە کو نوکە ل باژێرێ ئیستانبۆل یێ تورکیا دهێتە گێران.
ئەحمەد مشەختی، رێڤەبەرێ هونەرێ مللی بۆ "وشە" گوت، د ڤێ فەستیڤالێ دا، تیپا دهۆک دێ دوو تابلۆیێن گرێدایی شاهیێن بەهدینی و سۆرانی ب جلوبەرگێن کوردی نیشاندەت.
حەسەن فەتاح، پەیڤدارێ رێڤەبەرییا گشتی یا رەوشەنبیری و هونەری سەبارەت پشکداریا وان، بۆ "وشە" گوت، تیپا دهۆک نوکە ل ئاستەکا نێڤدەولەتییە و جهێ شانازیێ یە کو دشێن کەلتوورا مە نیشا ناڤەندێن جیهانی بدەن، هەتا نوکە تیپا دهۆک، پشکداری زێدەتری 20 فەستیڤالێن نێڤدەولەتی ل دەرڤەی وەلاتی بوویە.
دهێتە زانین چەندین تیپ و گرۆپ ژ 21 وەلاتێن ئاسیا و ئەورۆپا پشکدارن و فەستیڤال دێ هەتا 21ی ڤێ مەهێ بەردەوام بیت.