وەزارەتی پێشمەرگەی حكوومەتی هەرێمی كوردستان رای گەیاند، كە ئۆپراسیۆنێكی كێوماڵكردنی تیرۆریستانیان ئەنجام داوە.
لە راگەیەنراوەكەدا هاتووە، بە مەبەستی دڵنیابوون لە نەهێشتنی مۆڵگە و جموجۆڵی تیرۆریستان لە ناوچەكە، لیوای 18ی پیادە لە سنووری چیای قەرەچووخ و دەشتاییەكانی كەندێناوە، هەڵمەتێكی گەڕان و پشكنینیان لە سنووری چالاكیی لیوا ئەنجام دا.
ئاماژە بۆ ئەوەش كراوە، گومان دەكرا چەكدارانی داعش جموجۆڵیان هەبێت لەو ناوچانەدا.
هەروەها باس لەوە كراوە، لە ئۆپراسیۆنەكەدا تەواوی ناوچەی دیاریكراو كێوماڵ كرا و گەڕان و پشكنینی بۆ ئەنجام درا.