ئەمڕۆ شەموو هەشتی ئابی 2026، مەسروور بارزانی سەرۆکی حكوومەتی هەرێمی کوردستان، لە پەیامێکدا پیرۆزبایی 50یەمین ساڵوەگەڕی دامەزراندنی پارتی سۆسیال دیموکراتی کوردستانی لە محەمەدی حاجی مەحمود و سەرکردایەتی و ئەندامانی حیزبەکە کرد.
لە پەیامەکەدا هاتووە، بە بۆنەی پەنجایەمین ساڵوەگەڕی دامەزراندنی پارتی سۆسیال دیموکراتی کوردستان، گەرمترین پیرۆزبایی ئاڕاستەی بەڕێزتان و سەرکردایەتی و سەرجەم ئەندام و لایەنگرانی پارتە تێکۆشەرەکەتان دەکەم و هیوای سەرکەوتنتان بۆ دەخوازم.
سەرۆکی حكوومەت هیوای خواستووە، پارتی سۆسیال دیموکراتی کوردستان، هاوشان لەگەڵ لایەنە کوردستانییەکان، لە خەبات و تێکۆشانی خۆیدا سەرکەوتوو بێت لە پێناو داکۆکیکردن لە دەسکەوتە نیشتیمانییەکانی خەڵکی کوردستان.