سلێمانی.. لەماوەی 15 ڕۆژدا 13 منداڵی دووانە لەدایكبوون
بەرێوەبەرایەتی گشتیی تەندروستی سلێمانی ئاماری لە دایكبوونی دووانەی ڕاگەیاند كە لەماوەی تەنیا 15 ڕۆژدا 13 حاڵەتی لە دایكبوونی دووانە تۆمار كراوە.
بەڕێوبەرایەتی گشتی تەندروستی سلێمانی ئامارێكی بڵاو كردەوە و بەپێی ئامارەكە، لە نەخۆشخانەی منداڵبوونی فێركاری فریاكەوتنی نەشتەرگەری لە نیوەی یەكەمی مانگی ڕەمەزاندا 547 منداڵ لەناو لەدایكبوون كە زیاتر لە نیوەیان كوڕ بوون.
بەپێی ئامارەكەی تەندروستی سلێمانی لەو ماوەیەدا 13 حاڵەتی لەدایكبوونی منداڵی دووانە تۆمار كراوە، هەروەها 41 حاڵەتی لەدایكبوونەكان نۆبەرە بووە و بەشێوازی سروشتی لەدایكبوون 85 حاڵەتی تری لەدایكبوونی نۆبەرە كە بە نەشتەرگەری لەدایكبوون تۆمار كراوە.
ئامارەكە دەری دەخات كە چوار منداڵ دوای لەدایكبوونیان گیانیان لەدەستداوە.
لە هەرێمی كوردستان یەكەم جارە حاڵەتی لەمشێوەیە ڕووبدات و لەماوەیەكی كەمدا ڕێژەیەكی زۆر لە منداڵی دووانە لە دایك بن.
وشە -
سه‌رخێڵ هاشم