ب مهرهما دهستكهفتنا پێزانینێن دروست ل بارا ژههرا دووپشكی، قوتابییهكێ زانكۆیا زاخۆ دهست ب ڤهكولینهكێ كر، ئهڤرۆ كومهكا دووپشكان وهك نموونه وهرگرتن.
مهسعوود ئیسماعیل ئهو قوتابییه بۆ "وشه" گۆت، ب مهرهما دهستكهفتنا پێزانین و ئهنجامێن دروست ل بارا ژههرا دووپشكی و گرنگترین مفا و زیانێن وی، ئهز ڤهكولینهكێ ل سهر دووپشكی دكهم.
زێدهتر گۆت "ڤهكولین بۆ زانكۆیا زاخۆییه و ب سهرپهرشتییا ماموستایهكێ پسپور دهێته ئهنجامدان، ئهڤرۆ ل ناوچهییا تلكهبهرێ یا سهر ب دهڤهردارییا زاخۆ من چهند نموونه ل دووپشكی وهرگرتن و دێ ل زانكۆیا زاخۆ و پشكا زانستێن گشتی ڤهكولینێ لسهر ژههرا وان كهین و پاشان پێزانین و ئهنجامان بۆ رایا گشتی و جهێن شوولهژێ بهرچاڤ كهم، ژبهركو ئهڤ یهك دێ بیته پرۆژه و كار ل سهر هێتهكرن"
ئهو دووپشكنێن دكهڤنه ههرێما كوردستانێ چهند جۆر و رهنگن و ههموو ژی دمهترسی نه بۆ سهر ساخلهمییا مرۆڤی
ناڤبری دیاركر ژی كو ههرێما كوردستانێ ئێكه ژ وان دهڤهرێن جیهانێ كو رێژهییهكا زۆر یا دووپشكان ههنه و گۆت ژی، "ئهو دووپشكنێن دكهڤنه ههرێما كوردستانێ چهند جۆر و رهنگن و ههموو ژی دمهترسی نه بۆ سهر ساخلهمییا مرۆڤی، گرتنا دووپشكا و كار ل سهر كرنا وان كو مفا ههبیت پێدڤی ب تهكینیك و شارهزاییهكا باشه، لهوا دڤێت ب هوشیاری رهفتار ل گهل دووپشكی بهێتهكرن"
قوتابیێ ناڤبری ل زانكۆییا زاخۆ د درێژاهییا ئاخفتنێن خودا خویاكر ژی كو ئهو دێ ئهنجامێن دووماهیێ یێن ڤهكولینا خوه بۆ جهێن شولهژێ بلند كهن داكو مفا ژێ بهێته وهرگرتن و گۆت ژی، "جهێ داخێیه ل ههرێما كوردستانێ تاقیگههێن پێشكهفتی و پێدڤی نینن بۆ شرۆڤهكرنا ئهنجامێن وان، بهلێ ئهگهر تاقیگههێن باش و پێدڤی بهێنه چێكرن رهنگه مفایێن باش ل دووپشك و گهلهك حهشهراتێن دی بهێته وهرگرتن، ههرچهنده دووپشك حهشهراتهكێ مهترسیداره، بهلێ ل گهل هندێ ژی مفا ههنه ب تایبهتی د ژههرا وێ دا"
ل ههرێما كوردستانێ ژههرا دوو جورێن دووپشكان مهترسیه، ئهو ژی دووپشكنێن زهر و دووپشكنێن رهش، پرانیا جاران ژی ب شهڤ دهێنه دیتن.