وەزیری كار و كاروباری كۆمەڵایەتی بە فەرمانێك دەوامی دوو دامەزراوەی وەزارەتەكەی ئاسایی دەكاتەوە و "تەناوبات" لەناو ئەو دوو دامەزراوەیە ڕادەگرێت.
ئەمڕۆ چوارشەم 10ـی حوزەیران، كوێستان محەمەد وەزیری كار و كاروباری كۆمەڵایەتی بە نووسراوێكی فەرمی، بڕیاری دەستپێكردنەوەی دەوامی ئاسایی بۆ فەرمانبەرانی بەڕێوەبەرایەتی كار و بەڕێوەبەرایەتی دەستەبەری كۆمەڵایەتی دەركرد.
ئەو بڕیارە بۆ بەرژەوەندی كرێكار و خاوەن كارەكانە
ئەو بڕیارەی وەزیری كار لە كاتێكدایە بەپێی بڕیارێكی وەزارەتی ناوخۆ، دەوامی فەرمانبەران یەك لە سێ بوو كە ئەویش بۆ پاراستنی تەندروستی و دروست نەبوونی جەنجاڵی بوو لە دەوام.
لە نووسراوەكەدا ڕوون كراوەتەوە، ئەو بڕیارە بۆ بەرژەوەندی كرێكار و خاوەن كارەكانە بۆ بەڕێوەبردنی كاری رۆژانەی هاووڵاتییان.
لە چەند دامەزراوەیەكی هەرێمی كوردستان بەهۆی زۆربوونی دەوامی فەرمانبەران، چەندان گۆڕانكاری لە دەوام كراوە تا كاروباری هاووڵاتییان جێبەجێ بكرێت.