لە نوێترین لێدوانیدا دۆناڵد ترەمپی سەرۆكی ئەمەریكا هەڕەشەی لە وڵاتان كرد و رای گەیاند، هەر وڵاتێك نەوت و بەرهەمە پتڕۆكیمیاوییەكان لە ئێران بكڕێت سزای بەسەردا دەسەپێنین.
ئەمڕۆ پێنجشەم یەكی ئایار، ئاژانسی رۆیتەرز لە زاری دۆناڵد ترەمپی سەرۆكی ئەمەریكاوە گواستییەوە، نابێت هیچ وڵاتێك نەوت و بەرهەمە پتڕۆكیمیاوییەكان لە ئێران بكڕێت.
تڕەمپ هەڕەشەی ئەوەیشی كردووە، هەر وڵاتێك ئەمە بكات بازرگانی لەگەڵدا ئەنجام نادەین و سزایشی بەسەر دەسەپێنین.
ئەم قسانەی ترەمپ لە كاتێكدایە وەزارەتی گەنجینەی ئەمەریكا شەش كیان و شەش كەسایەتیی ئێرانی و چینیی خستە لیستی سزاكانییەوە بەهۆی ئەوەی ئیدارەی تۆڕێكیان دەدا كە نەوت و سووتەمەنییان بۆ مووشەكەكانی سوپای پاسدارانی ئێران دابین كردووە.