ب سه‌رپه‌رشتیا پارێزگارێ دهۆكێ، ئەڤرۆ كۆمبوونا لیژنا پیشه‌سازی و وه‌به‌رهێنانێ هاته ئه‌نجامدان و پتریا داواكاریێن سه‌رمایه‌دار وخودانێن پرۆژان هاتنه په‌سه‌ندكرن، دێ هژمارەکا پرۆژێن نوو ژی یێن پێشەسازی و چاندنێ هێنە چیکرن.
ژێدەرەکێ ل راگەهاندنا پارێزگەها دهۆکێ دیارکر کو ئه‌ڤرۆ پارێزگارێ دهۆكێ سه‌رپه‌رشتیا كۆمبوونا ئاسایی یا لیژنا پیشه‌سازی و وه‌به‌رهێنانێ كر کو نونەرێن وان هەموان بەرهەڤ بون و گل و گانزدە و پروژەیێن خۆ بەرچاڤکرن.
زێدەتر گۆت، دكۆمبوونێ دا باس ل ره‌وشا كه‌رتێ پیشه‌سازی و به‌رهێنانێ و داواكاریێن سه‌رمایدار و به‌رهێنه‌ران ل سنورێ پارێزگه‌ها دهوکێ هاتەکرن، وه‌كو دروستکرن و دامه‌زراندنا كارگه‌ها و دورستكرنا پرۆژێن وه‌به‌رهێنانێ دكه‌رتێن جودا جودا، پشتی گه‌نگه‌شێن تێر وته‌سه‌ل ل سه‌ر هه‌موو داواكاریان هاتینه كرن ، پتریا وان هاتنه په‌سه‌ندكرن.
ژێدەری دیارکر ژی کو پارێزگارێ دهۆكێ دوپاتكر كۆ هه‌ر داواكاریه‌ك وپرۆژه‌كێ هاتیه په‌سه‌ندكرن دڤێت ل دووڤ رێنما و یاسایێن حكومه‌تا هه‌رێما كوردستانێ بهێنه ئاڤاكرن و دبه‌رژه‌وه‌ندیا گشتی دابیت و كارتێكرنێ ل سه‌ر ژینگه‌هێ نه‌كه‌ن و ده‌لیڤێن كاری بۆ خوجهێن ده‌ڤه‌رێ په‌یداكه‌ن، پشته‌ڤانیا كارگێریا پارێزگه‌هێ نیشان دا بۆ هه‌ر هاریكاریه‌كێ و گۆت ژی، ئه‌و پرۆژێن هاتینه په‌سه‌ندكرن، پێکهاتبووژ كارگه‌هـ و كوگه‌هێن ئاهێن خارنێ و كارگه‌هێن بیناسازی و پیشه‌سازی و ئاڤه‌دانكرنێ و چاندن و ئاڤا ڤه‌خوارنێ و .... هتد.
ل سنورێ پارێزگەها دهۆکێ ب تایبەتی ل سەر دەمێ کابینا نەهێ زورترین پروژێن پیشەسازی و وەبەرهینانێ دوارێ چاندن و گەشتوگۆزار و ئاڤەدانی و پێشەسازیێن وەکو کارگەهـ و کوگەهـ و خودانکرنا چێل و چێکرنا کارگەهێن ئاری ... هتد بوینە، پرانیا وان دکەڤنە سنورێ قەزا سێمێل.
دهوک، نەوزاد هلۆری: