ئه‌سعه‌د عیدانی پارێزگاری به‌سره بڕیاری دا، سبه‌ی سێشه‌م له ته‌واوی پارێزگاكه بكرێته پشوو و هۆكاره‌كه‌ش بۆ به‌ڕێوه‌چوونی پێشبڕكێیه‌كی وه‌رزشی ده‌گه‌ڕێته‌وه.
جێی باسه سبه‌ی سێشه‌م یاریی نێوان هه‌ڵبژارده‌ی نیشتمانیی عێراق و ئیمارات له به‌سره به‌ڕێوه ده‌چێت، به‌سره ده‌ستی به ئاماده‌كاری كردووه بۆ ئه‌وه‌ی بێ هیچ كێشه‌یه‌ك میوانداریی ئه‌م یارییه بكات.
یه‌كێك له ئامانجه‌كانی راگه‌یاندنی پشووی رۆژی سێشه‌م بۆ ئه‌وه گه‌ڕێنراوه‌ته‌وه هانی هه‌ڵبژارده‌ی نیشتمانیی عێراق بدرێت، سه‌ركه‌وتن به‌سه‌ر هه‌ڵبژارده‌ی ئیمارات مسۆگه‌ر بكات.
ئه‌و یارییه‌ی له نێوان ئه‌و دوو هه‌ڵبژارده‌یه ده‌كرێت، به یاریی گه‌ڕاوه ناسراوه، چونكه له یاریی پێشوو عێراق و ئیمارات به ئه‌نجامی یه‌ك خاڵ به‌رانبه‌ر یه‌ك خاڵ یه‌كسان بووبوون.