بەپێی دوایین زانیارییەكان، هێزەكانی هەسەدە لە تەبقا بە درۆن وەڵامی هێرشە چەكدارییەكانی دایەوە، لە مەنسووراش دەیان چەكدار كوژراون.
ئەمڕۆ یەكشەم 18ـی كانوونی دووەم، بەپێی سەرچاوە هەواڵییەكان، بە درێژایی شەوی ڕابردوو و بەرەبەیانی ئەمڕۆ، شەڕی سەخت لە نێوان هەسەدە و چەكدارانی سووریا لە سنووری تەبقا بەردەوام بووە.
ئەوەش بڵاو كراوەتەوە، لە بەنداوی مەنسوورا و گوندی خانم عەلی تا دەروازەی ئەبوعاسی، شەڕی سەخت لە نێوان هێزەكانی هەسەدە و چەكدارانی سووریا ڕوویداوە، شەڕڤانان بە توندی وەڵامی هێرشەكانیان داوەتەوە و بە دەیان كوژراو هەیە.
لە هەمان كاتدا، لە تەبقاش شەڕ بەردەوام بوو و هەسەدە هێرشەكانی تێكشكاند و ژمارەیەك لە چەكدار كوژراون.