ئەنجوومەنی نیشتمانی خەباتی ئێران بە سەرۆكایەتیی مەریەم رەجەوی، حكوومەتی كاتی راگەیاندووە و پرۆگرامی خۆیان لە 10 خاڵ خستووەتەڕوو، لە خاڵێكیان باسی لە خۆڕێبەری رۆژهەڵاتی كوردستان دەكات.
ئەمڕۆ دووشەم دووی ئادار،
ئەنجوومەنی نیشتمانی خەباتی ئێران بە سەرۆكایەتیی مەریەم رەجەوی پرۆگرامی سیاسی خۆی راگەیاندووە و لەگەڵ حكوومەتی كاتی لە دەرەوەی ئێران. ئەو ئەنجوومەنە كە ساڵانێكە ئۆپۆزسیۆنی ئێرانە داوا دەكات دەسەڵاتی داهاتووی ئێران كۆماری و دیموكراسی بێت. پرۆگرامەكەیش لە 10 خاڵ پێكهاتووە:
یەكەم: ویلایەتی فەقیه رەت دەكرێتەوە و دەسەڵات بۆ گەل دەبێت بە هەڵبژاردنێكی ئازادانە لە وڵاتێكی كۆماری و فرەیی.
دووەم: ئازادای رادەربڕین و ئازاد لە پێكهێنانی حزب و كۆمەڵە و هەڵوەشاندنەوەی سوپای پاسداران و هێزی قودس و بەسیج و هەموو دامەزراوەكانی تری شۆڕش و دامەزراوەكانی تری سەركوتكار.
سێیەم: ئازادییە كەسییەكان بەگوێرەی جاڕنامەی مافی مرۆڤ.
چوارەم: جیاكردنەوەی ئاین و دەوڵەت و پێدانی ئازادی بە هەموو ئاین و مەزەوەكان.
پێنج: یەكسانی بۆ ژن و پیاو لە تەواوی مافەكان.
شەشەم: سەربەخۆی دەسەڵاتی دادوەری بەگوێرەی پێوەرە نێودەوڵەتییەكان.
حەوتەم: خۆڕێبەری و نەهێشتنی سەركوتكاری سەر نەتەوەكانی ئێران و پێدانی خۆڕێبەری بە كوردستانی ئێران.
هەشتەم: دادپەوەری و یەكسانی لە هەلی كار و بازرگانی هەر كارێكی تر.
نۆیەم: پاراستنی ژینگە و چاككردنەوە بە هۆی ئەو زیانانەی كە بە دەستی رژێمی پێشوو پێی گەیشتووە.
دەیەم: وا لە ئێران بكرێت وڵاتێكی خاڵی بێت لە چەكی كۆمەڵكوژ، هاوكاری هەرێمی و نێودەوڵەتی هەبێت.