قاسم ئەعرەجی راوێژكاری ئاسایشی نەتەوەیی عێراق، لەگەڵ باڵوێزانی وڵاتانی یەكێتیی ئەوروپا كۆبووەوە، محەمەد شیاع سوودانی سەرۆك وەزیرانی عێراقیش دووپاتی دەكاتەوە، چەندان هێرشیان بۆ سەر شاندەكان پووچەڵ كردووەتەوە، كەچی ئەمەریكا ئەمڕۆ دووپاتی دەكاتەوە میلیشیاكان رێگری لە كاری حكوومەت دەكەن و بە هەڕەمەكی هێرش دەكەن.
ئەمڕۆ یەكشەم 15ی ئادارى 2026، قاسم ئەعرەجی راوێژكاری ئاسایشی نەتەوەیی عێراق لەگەڵ باڵوێزانی وڵاتانی یەكێتیی ئەوروپا كۆبووەوە و بە یەكەوە تاوتوێی پاراستنی شاندە دیپلۆماسییەكانیان كرد، دواتر
محەمەد شیاع سوودانی رای گەیاند، چەندان هێرشیان بۆ سەر شاندە دیپلۆماسییەكان پووچەڵ كردووەتەوە.
هەموو هەوڵی عێراق بۆ ئەوەیە شاندەكان دڵنیا بكاتەوە كە هێرشیان ناكرێتە سەر، كەچی لەم هەوڵەدا سەركەوتوو نەبووە، لەوانە ئەمڕۆ باڵوێزخانەی ئەمەریكا لە بەغدا لە راگەیەنراوێكدا هۆشداری دەدات لەوەی هێرشی میلیشیاكان لە عێراق بە قۆناغێك گەیشتووە هەڕەمەكی ئەنجام دەدرێن.