میدیای عێراقی ئاشكرای كردووە، شەوی رابردوو تەواوی راوێژكارانی بیانی كە لەگەڵ فەرماندەیی ئۆپراسیۆنەی هاوبەشەكان كاریان دەكرد، بە فڕۆكەیەكی تایبەت بەغدایان جێهێشتووە و بەرەو دەرەوەی عێراق رۆیشتوون.
ئەمڕۆ دووشەم 23ی ئادار، چەند
ماڵپەڕێكی عێراقی ئاشكرایان كردووە، ئەو راوێژكارانی هاوپەیمانان كە لەگەڵ فەرماندەیی ئۆپراسیۆنە هاوبەشەكانی عێراق كاریان دەكرد، كشاونەتەوە و بە فڕۆكەیەكی تایبەت عێراقیان جێهێشتووە.
بەگوێرەی زانیارییەكان ئەو فڕۆكەیە دوو رۆژ لەمەوبەر گەیشتووەتە بەغدا و تایبەت بۆ گواستنەوەی راوێژكارەكان هاتووە.
پێشتر چەند جارێك وڵاتانی بەشدار لە هاوپەیمانی نێودەوڵەتی داوایان لە هاووڵاتیانی خۆیان كردووە، عێراق جێبهێڵن و بە فەرمیش هەندێك سەربازی خۆیان كشاندووەتەوە.
هاوپەیمانی نێودەوڵەتی لە هاوینی 2014 وە هاوكاری عێراق دەكات بۆ رووبەڕووبوونەوەی تیرۆر.