کەناڵی
12ی ئیسرائیلی ئاشکرای کرد، ئەو سەرکردە باڵا ئێرانییەی کە لەگەڵ بەرپرسانی ئەمەریکی قسەی کردووە، محەمەد باقر قالیباف، سەرۆکی پەرلەمانی ئێرانە.
ئەم زانیارییانە دوای ئەوە دێن کە دۆناڵد ترەمپ، سەرۆکی ویلایەتە یەکگرتووەکانى ئەمەریکا ئەمڕۆ دووشەم 23ێ ئادارى 2026 بە ئاژانسی "فرانس پرێس"ی ڕاگەیاندبوو، "کارەکان زۆر بە باشی بەڕێوە دەچن"، ئەمەش ئاماژەیەک بوو بۆ ئەنجامدانی گفتوگۆ لەگەڵ "سەرکردەیەکی باڵا" لە ئێران لەبارەى ڕێککەوتنێکی 15 خاڵی بۆ ڕاگرتنی جەنگ.
ترەمپ ڕوونی کردەوە، کاروبارەکان ئاراستەیەکی زۆر باشیان وەرگرتووە و لەگەڵ سەرکردەیەکی ئێرانیی ئاستبەرز و خاوەن ڕێزێکی زۆردا قسەی کردووە.