ماركۆ رۆبیۆ وەزیری دەرەوەی ئەمەریكا لە لێدوانێكی رۆژنامەوانی ئاشكرای دەكات ئەمەریكا چاوەڕێیە ئەمڕۆ وەڵامی ئێرانیان بۆ وەستاندنی جەنگ بە دەست بگات.
ماركۆ رۆبیۆ وەزیری دەرەوەی ئەمەریبكا لە لێدوانێكی رۆژنامەوانی لە رۆما ئاشكرای كرد، وڵاتەكەی چاوەڕێ دەكات ئەمڕۆ هەینی هەشتی ئایار وەڵامی ئێرانیان لەبارەی وەستاندنی جەنگەوە بەدەست بگات.
پێشتر ئەمەریكا پێشنیاری وەستاندنی شەڕی بە ئێران داوە، لەوانە دەبێت گەرووی هورمز بكرێتەوە، ئێران بۆ ماوەی 20 ساڵ پیتاندنی یۆرانیۆم بوەستێنێ هەروەها یۆرانیۆمە پیتێنراوەكەیش بە ئەمەریكا بدات.
رۆبیۆ ئەمڕۆ گوتی، "با بزانین وەڵامەكە چی لەخۆ دەگرێت، هیوامان وایە بابەتێك بێت بمانخاتە سەر رێگەی دانوستاندنی رژد".