پارێزگەها دهۆکێ باشترین پارێزگەها عیراقێ بۆ رێژا تۆمارکرنا بایۆمەتریا هەلبژارتنان ب رێژا 76%ێ و ژ وێ رێژێ ژی 97%ێ یا هاوولاتیێن پارێزگەهێ کارتێن بایومەتری وەرگرتینە.
ئەڤرۆ د.عەلی تەتەر، پارێزگارێ دهۆکێێ، سەرەدانا رێڤەبەریا گشتی یا کۆمسیۆنا بلندا سەربەخۆیا هەلبژارتنان ل پارێزگەها دهۆکێ کۆمبوون، دکۆمبوونێدا بەحس ل پرۆسا خوە تۆمارکرنا بایومەتری یا هەلبژارتنان هاتەکرن و رێڤەبەرێ گشتی یێ کۆمسیونێ باس ل رێژەیێن تۆمارکرنا بایومەتری ل سەر ئاستێ عیراقێ کرن و گوت، پارێزگەها دهۆکێ بۆ تۆمارکرنا کارتێن دەنگدانێ ئێکەمە ب رێژا 76%ێ و ژ وێ رێژی ژی 97%ێ یا هاوولاتیان کارتێن بایومەتری وەرگرتینە.
پارێزگارێ دهۆکێ دەستخۆشی ل تیمێن کۆمسیۆنا بلندا سەربەخۆییا هەلبژارتنان ل پارێزگەها دهۆکێ کرن و سۆپاسیا هاوولاتیێن پارێزگەها دهۆکێ کرن کو هەردەم نموونەیا پێگیری و بجهئینانا پرۆسێن مەدەنی و شارستانی و یاسایی نە و هیڤیا سەرکەفتنێ بۆ کارێ کۆمسیونێ خواست.
هەتا نوکە ئالیێن سیاسیێن هەرێما کوردستانێ رێکەفتن نەکرینە بۆ هندێ ل وی دەمێ سەرۆکێ هەرێمێ بۆ دەمێ هەلبژارتێن پەرلەمانێ کوردستانێ دیارکری بهێنەکرن.