ب مەرەما مفا وەرگرتن ژ جهێن شینواری وەکو ژێدەرەکێ داهاتی و گەشتوگۆزار، رێڤەبەریا شینوارێن دهۆکێ ب هەڤکاری ل گەل دوو رێکخراوێن نیڤدەولەتی دەست ب چێکرنا ڕێیا کێلیا شەدایێ ل دهوکێ هاتەکرن.
د. بێکەس بریفکانی، رێڤەبەرێ شینوارێن دهۆکێ بۆ "وشە" گوت، رێڤەبەرییا شوینوار و کەلەپوورێن پارێزگەها دهوکێ، هەڤکاری ل گەل هەر ئێک ژ رێکخراوێن یونسکو و رێکخراوا کار یا نیڤ دەولەتی و ئێکەتیا ئەوروپی دێ کارێ نیژەنکرن و سەخبێرکرنا جهێ چوارستین ئەنجام دەت، ئەڤ پروژە دێ د چارچوڤێ پشتەڤانیا رێیێن ژیانێ درێیا گەشەپێدانا کەلتوورێ رەوشەنبیری دا دێ هێتەکرن.
زێدەتر گوت، هژمارەکا جهێن گرنگ یێن شسنواری ل پارێزگەها دهۆکێ دێ هێنە نوژەنکرن، ژ وانان نیژەنکرنا چوارستین و گەهاندنا رێکێ و نیژەنکرنا کێلیا شەدایێ، دیسان هەولدان بو تومارکرنا چەند جهێن شوینواری یێن گرنک ل سنوری پارێزگەها دهوکێ مینا پەرستگەها لالش و خانیێن کەلەپووری ل ئامێدیێ و ئاکرێ و جهێ خەنەس و جەروانە و هەلامەتا و فەیدیێ و شکەفتا چوارستین، پارێزگەهێ دهوکێ پشتەڤانیا خوە دەربری بو ڤی پروژەی و پاراستنا جهێن شوینواری کو دێ ب پشتەڤانیا دارایی یا وان رێکخراوان هێتەکرن.
د نوکە دا ڕێیا کێلیا شەدایێ ل دهوکێ دهێتە چێکرن و نێزیکێ 50%ێ هاتیە چێکرن، کو ئێکە ژ ڕێیێن پیادە و دێ لسەر چیایی هێتە برن بۆ گەهشتنا ئالایێ کوردستانێ و کێلیا شەدا، ژبلی گەهاندنا رێیێ دێ چەندین کوشک و جهێن گوزاری ژی ل رەخ و رویێن رێیا شەدا هێنە دروستکرن.
کێلیا شەدا نێزیکێ 600م ل ئاست دەریایێ بلندە و دکەڤیتە هنداڤ باژێرێ دهۆکێ، سالانە هڕمارەکا زور یا گەشتیار و وەلاتیان سەرەدانێ بۆ دکەن.