ل ژێر دوریشمێ، کورد وکوردستانی ب ئەنفال وکومکوژیا ناهێنە ژناڤبرن، ئەڤرۆ سپێدێ ل هوڵا کونفرانسان، پارێزگارێ دهۆکێ و ب بەرهەڤبونا کەس وکارێن قوربانیێن ئەنفالان، رێ ورسمێن دەربازبونا 35 سالا ل سەر ئەنجامدانا ئەنفالێن بادینان ژلایێ رژێما بەعس یا ژناڤچویی هاتنە گێران.
ل بەراهیێ پێشانگەها وێنێن ئەنفالا هاتە نیشادان.
پاش ژیان مستەفا رێڤەبەرا گشتی یا شەهید وئەنفالکریا پەیڤەک خاند وئاماژە دا ڤێ تاوانا مەزن یا کو ژلایێ دەستهەلادارێن بەعس هاتیە ئەنجامدان وخواست کو حکومەتا عیراقێ قەرەبویا زیانڤێکەفتیا بکەت.
ل دووڤدا نونەرێ کەس وکارێن ئەنفالبویا یاداشتەک خاند تێدا داخازیێن ئەنفالبویا رادەستی پارێزگارێ دهۆکێ کر بو وێ یەکێ پارێزگارێ دهۆکێ وێ یاداشتنامێ بگەهینیتە لایەنێن پەیوەندیدار.
د. علی تەتەر، پارێزگارێ دهۆکێ دپەیڤەکێدا گوت: ئەنفالێن بادینان تاوانەکا زور یا مەزن بوو هەمبەر خەلکێ بادینان ژکورد ومەسیحی وبوسلمان وئێزدی وهەموو پێک هاتێن دی هاتیە ئەنجامدان کو پتر ژ 488 گوندا هاتنە وێراکرن وب هزارا هاولاتی ئاوارەبوون و ب هزاران خەلکێ بێ گونەهـ ب دیل هاتنە گرتن وبێ سەروشونکرن وچەندین پێشمەرگە هاتنە شەهیدکرن.
پارێزگارێ دهۆکێ سەرخوشی گەهاندنە هەموو بنەمالێن قوربانیێن ڤێ تاوانا مەزن وخواست کو هەموو زیانڤێکەفتی بهێنە قەرەبوکرن وتەکەزکر کو کەلها نزارکێ دێ کەنە موزەخانە ومونومێنتێ ئەنفالێن بادینان دێ ل ناڤ پارکێ تاخێ پیشەسازی ل بەروشکێ هێتە دانان.