بریارە سوبەهی خوەنیشاندانەکا مەزن و بەرفرەهـ ل باژێرێ دهۆکێ بهێتەکر، بو هندێ عیراق مووچە و شایستەیێن دارایێن خەلکێ هەرێما کوردستانێ رەوانە بکەت و ئێدی سیاسەتا برسینا خەلکی بکارنەئینن.
ئەڤین بوتی، وەکو نونەرەکا خوەنیشاندانێ گوت، بومە یا رون و ئاشکرایە کو دەسەلاتدارێن بەغدا باوەری ب دەستوری و یاسایێ و بنەمایێن دیموکراسیەتێ هەڤپشکی و پێڤە ژیانێ نینە، بو نمونە، ئەو پێنگاڤێن نەشەرعی ئەوێن حکومەتا عیراقێ ب بەرنامە و ب مەرەم دهاڤێت بو نەهنارتنا شایستێن دارایی و قویتێ خەلکێ کوردستانێ دبرن ئەڤ کارێ چەپەل دژی خەلک و ئاخا کوردستانێ یە، نوکە ژی ب بێ وژدانی دڤێت زاروک و پیر و پەکەفتێن مە ل ژیانا روژانە بێ بەهر بکەن.
زێدەتر گوت، دەم هات کو گەلێ مە ئاخفتنا خو بێژیت و بو ڤێ مەرەمێ، ئەم داخوازێ ژ خەلکێ خوت یێ دلسوز دکەین ژ موچەخور و خەمخورێن وەلاتی ل دهوک و سێمێلێ ب تایبەت هونەرمەندێن خوە یێن بەرێز کو ل هەمی دەم و کاودانا پێشرەو بوینە دهەلویستێن خودا و وەکی هەلویستەکێ نیشتیمانی و نەتەوی و مروڤایەتی.
ئەم بانگەوازا وان دکەین ب تایبەت زیان ڤێکەفتیان کو
ل روژا سێشەمبی رێکەفتی ٢٠٢٣/٩/٥ ل دەمژمێر ١١ سپێدێ ل پارکا نەوروز ل دهوکێ پشکداریێ د خرڤەبونەکا ئاشتیانەدا بکەن بو رسواکرنا ڤان رەفتارین نە مروڤانە و نەشەرعی یێن دەسەلاتدارێن عیراقێ دژی خەلکێ کوردستانێ دکەن