ب مەرەما پاراستنا سەر و مالێ وەلاتیان ژ بوردمان و توپباران و شەرێ دناڤبەرا تورکیا و پەکەکێ، ئالیێن شولەژێ ئاگەهداریا سێ گوندێن دینارتێ دکەن کو ب چ ئاوایی نێزیکێ گوندی نەبن، هەڤدەم ئەو مال و خێزانێن کو نوکە ژی ل گوندی هەی ب زوترین دەم گوندی چول بکەن.
ئەحمەد محەمەد، وەلاتیەکێ گوندێ نپاخێ یا سەر ب ناحیا دینارتێ دیارکر کو ئەڤرۆ ئەو هاتینە ئاگەهدارکرن کو ددەما سێ روژان دا گۆندێ خۆ ب تمامی چول بکەین و ڤەگەرین جهێن ئاڤەدان و ئارام و گوت: ئەو خێزانێن کو ب مەرەما چاندن ورەز و بیستان و خودانکرنا تەرشوکەوالی نوکە ل گوندی هەی، دڤێت ل ڤان سێ روژان ئەو ژی دەرکەڤن، ئەگەر دێ بنە ئارمانجا شەرێ تورکیا و پەکەکێ.
ناڤبری دیارکر ژی کو ئەڤ ئاگەهداریە ژبلی گوندێ وان، هەڤدەم بۆ هەر ئێک ژ گوندێن بیرکەکورێ و کافیا ژی هاتیەدان، هەر چەندە زیانێن زور ییێن ئابوری و دارایی ب خەلکێ گوندی دکەڤن، بەلێ مە چ رێیێن دی نینە و دپێناڤ پاراستنا گیانێ خۆ دێ چول کەین و ئێدی نەشێن دوبارە بچینە گوندی ڤە.
بریارا چولکرنا گوندێن ناڤبری ددەمەکێ دایە کو روژانە ئەو دەڤەر ژلایێ تورکیا دهێتە بوردمانکرن، حەفتیا بوری ژی دوو کەس ل وان گوندان هاتنە شەهیدکرن