دەما چەند روژایە د تورێن جڤاکی دا هاتیە بەلاڤکرن کو سێ گوندێن دینارتە هاتینە چولکرن، بەلێ رێڤەبەیێ ناحیا دینارتە دیارکر کو چ راستی بو نینە، ئەو گوند ژ کەڤن هەتا نوکە چولکرینە.
سەربەست سەبری، رێڤەبەرێ ناحیا دینارتە بۆ "وشە" گوت، هەر ژ دەستپکا سەرهلدانێ هەتا نوکە ئەو هەرسێ گوندێن کو وەلاتی بەحس ل چولکرنا وان دکەن چولکرینە و نەهاتینە ئاڤەدانکرن، ل وەرزێ بهار و هاڤینێ هندەک ژ خەلکێ گوندی ب تایبەتی خودان رەز و بیستان و ئەوێن تەرشوکەوال هەی ب دەمکی دچنە گۆندی و جارەکا دی دزڤرن مالێن خۆ ل دەڤەرێن دی یێن ئاڤەدان.
زێدەتر گوت، ل سالا 1991ێ ژبەر رەوشا ئەمنی حکومەتا هەرێما کوردستانێ پرۆژێن خزمەتگۆزاری بو وان گوندان نەبرینە و ئاڤەدان نەکرینە، تنێ گوندێ بیرکەکورێ ئاڤەدانکرنی بو بەلێ ئەو،ژی لسەر دەمێ رژێما بەعس هاتیە کوستن، پاش بویە مەیدانا شەرێ تورکیا و پەکەکێ، هەر وەلاتیەکێ دکەڤن و هەتا نوکە چویە گوندی لسەر بەرپرسیارەتیا خۆ چوینە، نوکەیێن هاتیە بەلاڤکرن لسەر چۆلکرنا وان گوندان چ راستی بو نینە.
ئەو گوندێن کو بەحس ل چولکرنا وان گوندان دهێتەکرن، پێکدهێن ژ گۆندێن نپاخی، کادان وبیرکەکورێ، ژبلی ڤان گوندان چەندین گوندێن دن ژی هەنە و چەندین سالە چولن، ژ وانان سرانی، چاربوت، بانی .... هتد
بابەتێ چۆلکرنا سێ گوندێن زێباریان چەوایە ؟
ل سالا 1991ێ، پاشی هاتنا چەکدارێن پەکەکێ بۆ دەڤەرا زێبارێ ل سنورێ ناحیا دینارتە، ژیان ل وان گوندان بزەحمەت کەفتیە بۆ وان کەسێن کارێ چاندنێ و ئاژەلداریێ دکر ژبەرکو ئەو دەڤەر ببویە جهێ شەری ب تایبەت ژی دناڤبەرا تورکیا و پەکەکێ دا، دەڤەرا زێبارێ یا سنورێ ناحیا دینارتە زێدەتری 10 گوند ژلایێ حکومەتێ ڤە د قەدەغەکری نە ژبەر پاراستنا گیانێ وەلاتیان ژبەرکو چەکدارێن پەکەکێ ل وێ دەڤەرێ بووینە سەدەم کو بەردەوام ئەو گوند بهێن بۆمبەبارانکرن ژلایێ تورکیا ڤە.
دەربارەی چۆلکرنا سێ گوندێ زێباریان ژێدەرەکی ژ هێزێن ئێمناهیێ دیارکر کو هەر دکەڤن دا ئەو گوندە د قەدەغەکری بوون ژبەر رەوشا ئێمناهیێ ل وێ دەڤەرێ پاراستی نە بوو، نوکە دا ئەو کەسێن کو ئەو دەڤەرێ بجهـ هێلای نەک گوندێن خۆ هێلاینە بەلکو وان وارێن خۆ هێلاینە ژبەرکو پشتی سەرهەلدانێ حکومەتا هەرێمێ بۆ پاراستانا گیانێ وەلاتیان ئەو دەڤەر کرنە قەدەغە
ل سالا 2023ێ یێ دوو کەس ب سەدەما شەرێ تورکیا و پەکەکێ شەهید بوون د سالا 2024ێ ژی دا دوو کەس شەهید بوون و د دەستپێکا سالا 2025ێ ژی دوو کەس شەهید بوون.