د دوو دەمێن جودا دناڤ بازاڕێ دهۆكێ دوو روویدانێن خویناوی روویدان، هێزێن ئەمنی رەوشا شەری كونترولكریە و بریندار هاتنە ڤەگوهاستن بو نەخوشخانێ و هێرشكەر ژی هاتنە گرتن.
ژێدەرەك دناڤ بازاڕێ دهۆكی بو وشە گوت، بەری دەستپیكرنا رێورسمێن جەژنا ئەكیتو كەسەكی ب رەگەز سووری چیچانی دناڤ بازاڕێ دهۆكێ هێرش كریە سەر دوو كەسان كو دایك و كور بون، هەردو ب بڤری گرانی برینداركرن.
زێدەتر گوت، هەردوو كەس بۆ نەخوشخانا تەنگاڤیان هاتنە رەوانەكرن و رەوشا روودانێ ژی ئاسایی بویە.
ژلایەكێ دنڤە شاهد حالەكێ بو وشە دیاركر كو چەند گەنجێن ئاشووری ژی دناڤ ریورسمێن ئاشووری ب شەرچوینە و گوت، د وی شەری دا گەنجەك ب گرانی برینداربویە و سەرێ وی هاتیە شكاندن و خوینەكا زور ژێ دچو، شەرێ وان ژی هاتیە كونترولكرن ژلایێ هێزێن ئەمنی و رەوش ئاسایی بویە.
ئەڤرۆ سپێدێ ب پشكداریا نێزیكێ 30 هزار كەسان رێورسمێن جەژنا سەرسالا ئاشوریان یا ئەكیتو ل دهۆكێ ب ریڤەچو، ئاشووری ل هەموو جیهانێ هاتنە دهۆكێ بو ڤان رێورسمان.