بەڕێوەبەرایەتی گشتی كاروباری شەهیدان و ئەنفالكراوانی گەرمیان لە ئاگادارییەكی دەڵێت، ئاگادارییەك بۆ وارسی سەربەرزی شەهیدان و ئەنفالكراوان بەمەبەستی چارەسەركردنی كەموكورتییەكانی لیستی مووچە یەكشەم سەردانمان بكەن.
ئەمڕۆ هەینی چواری نیسان، لە ئاگادارییەكی بەرێوەبەرایەتی گشتی كاروباری شەهیدان و ئەنفالكراوانی گەرمیان هاتووە، ئاگاداری وارسی شەهیدانی سەنگەر، هاووڵاتی، جینۆساید دەكەین كە لە ڕۆژی یەكشەممە 6/4/2025 وە سەردانی بەڕێوەبەرایەتی گشتیمان بكەن.
ئاماژە بەوەش كراوە، كۆپییەكی كارتی نیشتمانی و هەویەی شەهیدانە لەگەڵ خۆتان بهێنن جگە لەوەش پێویستە هەر وارسێك ناوی سیانی دایكی شەهید و ناوی چواری خۆی و شەهید بزانێت لەگەڵ ژمارەی تەلەفۆن.
ئاماژە بەوەش كراوە، ئەو رێكارە بۆ وارسی سەربەرزی شەهیدان و ئەنفالكراوان بەمەبەستی چارەسەركردنی كەموكورتییەكانی لیستی مووچەیە.