بەهۆی كەوتنەوەی ئاگر لە پاڵاوگەیەكی سەر رێگەی هەولێر - مەخموور سێ كەس گیانیان لە دەست داوە و بەپێی زانیارییە سەرەتاییەكانیش دوو لەوانەی گیانیان لە دەست داوە كارمەندی بەرگریی شارستانین.
بەرەبەیانی ئەمڕۆ هەینی 16ی ئایاری 2025، لە پاڵاوگەیەكی سەر رێگەی مەخموور لە هەولێر ئاگرێك كەوتووەتەوە و بەهۆی رووداوەكەیشەوە، كارمەندێكی پاڵاوگەكە و دوو كارمەندی بەرگری شارستانی گیانیان لە دەست داوە.
لە ئێستەدا تەرمی قوربانیانی رووداوەكە گەیەندراوەتە پزیشكی دادی و زانیاری فەرمیش لەبارەی رووداوەكە لە لایەنی پێوەندارەوە رانەگەیەنراوە.